392 Awrora
Қазақстан Республикасы Парламенті Сенатының депутаттары Бекболат Орынбеков пен Әбдәлі Нұралиев Байзақ және Қордай аудандарында бірқатар әлеуметтік нысандар құрылысының салыну барысымен танысты, деп хабарлайды DKNews.kz.
Сенаторлар Көктал ауылындағы 600 орындық мектепте болып, Сарыкемер ауылында орталық аудандық емхананың құрылыс орнын көрді.
Жақын арада пайдалануға берілетін медициналық мекеме жыл сайын 300 000-нан астам пациентке қызмет көрсете алады.
«Еліміздегі денсаулық сақтау жүйесі өте маңызды сала. Жақында Сенатта осы тақырып бойынша Үкімет сағаты өтті. Біз өңірдегі барлық проблемалық мәселелер туралы хабардар болып отырмыз және оларды шешуге жан-жақты жәрдемдесетін боламыз» сенатор Әбдәлі Нұралиев
Сенаторлар сонымен қатар азаматтарды жеке қабылдады. Онда білім беру, денсаулық сақтау және аймақты абаттандыру салаларына қатысты мәселелер көтерілді.
Источник: dknews.kz
