үй Астанада 30-дан аса тұрғын үй кешенін аяқтау міндеті тұр – Жеңіс Қасымбек

30-дан аса тұрғын үй кешенін аяқтау міндеті тұр – Жеңіс Қасымбек

19
0

Үлескерлердің жалпы саны 1200-ден астам отбасыны құрайды


                        30-дан аса тұрғын үй кешенін аяқтау міндеті тұр  – Жеңіс Қасымбек

Бүгін Астана әкімі Жеңіс Қасымбек төрт көппәтерлі тұрғын үй кешенінің үлескерлерімен кездесті, деп хабарлады Elorda.info.

 

Үлестік құрылыс нысандарын аралауды жалғастырамын. Төрт көппәтерлі тұрғын үй кешенінің үлескерлерімен кездестім. Олар: «Мирный дом», «Тұран Сығанақ», «Территория комфорта-1» (2 кезек), «Хазар». Үлескерлердің жалпы саны 1200-ден астам отбасыны құрайды. Нысандардың өткен тарихы әртүрлі. Мәселен «Мирный дом» тұрғын үй кешені 10 жыл бұрын проблемалы деп танылған, нысанды «Елорда құрылыс компаниясына» тапсырар кезде құрылысы нөл деңгейінде болатын, — деп жазды қала әкімі.

Сондай-ақ Жеңіс Қасымбек қаладағы бір тұрғын үй кешенінің бірінші кезегінің құрылысы аяқталғанын айтты.

«Территория комфорта-1» тұрғын үй кешені (2 кезек) тіптен апатты деп танылып, үйлердің блоктары бұзылды. Тиісінше құрылысы басынан қайта басталды. «Территория комфорта» тұрғын үй кешенінің бірінші кезегінің құрылысы аяқталып, пәтер кілті үлескерлеріне тапсырылды. Қазір екінші кезек бойынша жұмыс жүріп жатыр, — деді әкім.

Әкім құрылысы ұзаққа созылған нысандарды аяқтау басты міндеттердің бірі екенін жазды.

Осыған дейін әкімдік құрылысы ұзаққа созылған нысандарды аяқтау бойынша үлкен жүйелі жұмыс жүргізген болатын. Дегенмен алдымызда тағы 30-дан аса тұрғын үй кешенін аяқтау міндеті тұр, онда мыңдаған үлескер отбасы өз пәтерін жылдар бойы күтіп жүр. Құрылыс сапасына ерекше назар аудара отырып, жұмыс қарқынын арттыруды тапсырдым. Құрылысы ұзаққа созылған нысандарды аяқтау — әкімдіктің басты міндеттерінің бірі, — деді Жеңіс Қасымбек.

Источник: kaz.elorda.info