Мастер-класқа урологтан практикалық тәжірибе алуға Алматы, Талдықорған, Семей қалаларынан дәрігерлер арнайы келді
Фото: www.gov.kz
Астана қаласы әкімдігінің №2 көпбейінді қалалық балалар ауруханасы базасында балалар урологиясындағы күрделі жағдайлар бойынша мастер-класс ұйымдастырылды, деп хабарлады Elorda.info.
Мастер-класта әлемге әйгілі балалар урологы Имран Муштактың (Грейт-Ормонд-стрит (GOSH), клиникасының балалар урологиясы бойынша кеңесшісі, Лондондағы балалар денсаулығы институтының аға оқытушысы) қатысуымен өткізіледі. Ол несеп-жыныс жүйесінің өте күрделі туа біткен ақаулары бар балаларға операция жасайды.
Имран Муштактың нефрэктомия, ішінара нефрэктомия, адреналэктомия, пиелопластика, уретропластика, қуық пластикасы және эндоурология бойынша тәжірибесі бар. Дәрігер гипоспадия, жыныстық дамудың бұзылуы, қуық экстрофиясы және пластикалық урология бойынша маманданған.
№2 көпбейінді қалалық балалар ауруханасының уронефрологиялық бөлімшесінің меңгерушісі Айгүл Ботабаева Имран Муштактың басшылығымен реконструктивті-пластикалық операциялар жүргізілгенін атап өтті.
Мастер-класқа урологтан практикалық тәжірибе алуға Астанадан бөлек Алматы, Талдықорған, Семей қалаларынан дәрігерлер арнайы келді.
Бұл – Имран Муштактың №2 балалар ауруханасына бесінші мәрте келуі. Бұл жолы басты ұйымдастырушылар «Дом» қоғамдық қоры болды.
Оның пікірінше, шетелдік дәрігерлермен мастер-кластарғана емес, дәрігерлердің өзге елдерге келіп, тәжірибе алмасуын ұйымдастыру керек. Олар Еуропаның медицина деңгейін көріп, өз тәжірибелерін әкеледі, әріптестерін оқытатын болады.
Айта кетейік, Қоғамдық денсаулық сақтау басқармасымен былтыр 69 дәрігер шетелде біліктілігін арттырса, биыл 59 дәрігерді оқыту жоспарланып отыр.
Источник: kaz.elorda.info
