үй Астанада Астанада Халықаралық әйелдер күні қалай атап өтіледі

Астанада Халықаралық әйелдер күні қалай атап өтіледі

18
0


                        Астанада Халықаралық әйелдер күні қалай атап өтіледі

фото: ашық дереккөзден

Халықаралық әйелдер күніне орай мәдениет, білім, спорт мекемелерінде, елорданың концерт алаңдарында ондаған түрлі мерекелік іс-шара өтеді. Сондай-ақ осы күндері қалада түрлі қайырымдылық акциялары өтіп жатыр, деп хабарлады Elorda.info елорда әкімдігінің ресми сайтына сілтеме жасап. 

3-10 наурыз аралығында Сәкен Сейфуллин мұражайында «Сәкен сүйген арулар» көрмесі өтіп жатыр. 

5 наурызда «Ақжол» аула клубында Балалар шығармашылығы көрмесі мен концерттік бағдарлама ұйымдастырылады. 

6 наурыз күні сағат 11:00-де «Нұрсәулет» БО-да Байқоңыр ауданының белсенді әйелдерінің қатысуымен «Әлем әйелдермен әсем» мерекелік іс-шарасы өтеді. 

Сол күні қала мектептерінде шеберлік сыныптары, әдеби кездесулер, көрмелер және т.б. өткізіледі. Ал Әл-Фараби атындағы Оқушылар сарайында осы күні сағат 19:00-де Woman’s day әйелдер форумы өтеді. Ал М.Өтемісов атындағы Оқушылар сарайында көпбалалы аналар үшін «Көктем сыйы» атты мерекелік концерт ұйымдастырылады. 

«Үміт» дағдарыс орталығында «Көңілді Старт» спорттық іс-шарасы өтеді. 

7 наурызда «Жанұя» отбасы институтын қолдау орталығында қаланың түрлі салаларында жұмыс істейтін әйелдерді «Шуақты көктем» атты марапаттау рәсімі өтеді. Мұнда көпбалалы аналар салтанатты түрде «Алтын алқа», «Күміс алқа» алқаларымен марапатталады. 

Қаладағы балабақшаларда бұл күні «Жұлдызым жарқыра» ертеңгіліктері, ал «Атамекен «Қазақстан Картасы» этно-мемориалдық кешенінде» «Әлемді тербеткен әйелдер» атты салтанатты кеш өтеді. 

7 наурыз күні кешкі сағат 19:00-де «Наз» мемлекеттік би театрында «Жан ана» атты концерт ұйымдастырылады. 

7 наурыз күні Байқоңыр ауданының әкімдігінде мұғалімдерді, кітапханашыларды, құқық қорғау органдары мен медициналық қызмет өкілдерін мерекемен құттықтау іс-шарасы өтеді. Сол күні кешкі сағат 19:00-де «Жастар» театры Н.Жақыпбайдың «Жанарымдағы жалғыз әуен» атты театрландырылған концерттік бағдарламасын дайындайды. 

Мереке күндері – 6, 7, 8 наурыз күндері қала көшелерінде нәзік жандыларға арнап қызғалдақ тарату акциясы өтеді. 

7 және 8 наурызда қалада «Қамқорлық мекенжайы» акциясы аясында көпбалалы аналарға, жалғызбасты қарттарға азық-түлік себеттері таратылады. Сондай-ақ Ұлы Отан соғысының тыл ардагерлерін құттықтайтын болады. 

7 наурызда «АЛЖИР» мемориалдық-мұражай кешенінде «Ана – өмірдің гүлі» көрмесі ұйымдастырылады. Бірден екі премьераны осы күні Музыкалық жас көрермен театры ұсынады: сағат 16:00-де – «Гауһартас», сағат 19:00-де – «Махаббат бар ма?». 

Білім беру ұйымдарында «Наурыз маржандарын, анама арнаймын» құттықтау челленджі іске қосылады, оған әкелер, аталар, балалар, немерелер, ұжымдар және т.б. қатыса алады. 

Nomad City Hall сахнасында 9 және 10 наурыз күндері мереке құрметіне «Кішкентай ханзада» спектаклінің премьерасы өтеді. 

11 наурыз күні сағат 12:00-де Е. Рахмадиев атындағы Мемлекеттік академиялық филармонияда «Super Әже» байқауы өтеді. 

Наурыз айында қала кітапханаларында шығармашылық көрмелер, конкурстар, әдеби экспозициялар және т.б. өтеді.

Источник: kaz.elorda.info