Онда Ұлттық әскери-патриоттық орталықтың әртістері өнер көрсетті
Фото: Қорғаныс министрлігінен
Қарулы күштердің әскери қызметшілері елордадағы көрнекті инфрақұрылымдық нысандарды аралап, қыз-келіншектерге мерекелік көңіл-күй сыйлады, деп хабарлады Elorda.info.
"Нұрлы жол" теміржол вокзалында Ұлттық әскери-патриоттық орталықтың әскери оркестрінің музыканттары танымал әуендерді орындап, нәзік жандарға көктемнің басталуын бейнелейтін қызғалдақтар тарту етті.
Мерекелік атмосфера "Хан Шатыр" сауда-ойын-сауық орталығында да жалғасты. Онда Ұлттық әскери-патриоттық орталықтың Орталық ансамблінің әртістері өнер көрсетті. Құрметті қарауыл ротасының дефилесі көрермендерді ерекше таң қалдырды.
Жиналғандар музыканттар мен солистерге ерекше қошемет көрсетті.
Источник: kaz.elorda.info
