үй Қазақстан жаңалықтары Қазақстан мен Ресей экономикалық ынтымақтастықты дамыту жөніндегі қадамдарды келісті

Қазақстан мен Ресей экономикалық ынтымақтастықты дамыту жөніндегі қадамдарды келісті

5
0

382 rob

Қазақстан мен Ресей экономикалық ынтымақтастықты дамыту жөніндегі қадамдарды келісті

Фотосурет: Үкіметінің Баспасөз қызметі

Алматыда Қазақстан Республикасының Премьер-Министрі Әлихан Смайылов пен Ресей Федерациясы Үкіметінің төрағасы Михаил Мишустиннің кездесуі өтті, деп хабарлайды DKNews.kz.

Келіссөздер Еуразиялық үкіметаралық кеңес отырысының қарсаңында өтті. 

Тараптар сауда, инвестиция, өнеркәсіптік кооперация, энергетика, көлік және логистика, ауыл шаруашылығы және білім беру салаларындағы мемлекетаралық ынтымақтастықтың кең ауқымды мәселелерін талқылады.

Атап айтқанда, қазақстандық көмірді РФ аумағы арқылы тасымалдау, сондай-ақ қазақстандық тасымалдаушылардың Ресейге кіруіне қатысты проблемаларды шешу мәселелері жан-жақты талқыланды. 

Әлихан Смайылов екі мемлекет басшыларының саяси ерік-жігерінің арқасында ҚР мен РФ арасындағы қарым-қатынастар өзара сыйластық қағидаттары негізінде ілгері дамып келе жатқанын атап өтті. 

«Ресей – Қазақстанның негізгі сауда-экономикалық серіктестерінің бірі. Бұған өткен жылдың 11 айындағы көлемі $24 млрд болған сауда айналымы дәлел» Әлихан Смайылов

Қазақстан мен Ресей экономикалық ынтымақтастықты дамыту жөніндегі қадамдарды келісті

Үкімет басшысының айтуынша, Қазақстан өңіраралық және шекаралық ынтымақтастықты дамытуға үлкен көңіл бөледі. Бұл бағытта Өңіраралық ынтымақтастық форумы тиімді алаң болып табылады. 

«Биылғы жылы түрлі деңгейдегі өзара байланыстар мен бірлескен іс-шаралар көп болатынына сенімдімін. Қазақстан Үкіметі барлық сала бойынша толық форматты және өзара тиімді ынтымақтастықты дамытуға дайын» Әлихан Смайылов 

Қазақстан мен Ресей экономикалық ынтымақтастықты дамыту жөніндегі қадамдарды келісті

Михаил Мишустин дәстүрлі қонақжайлылық үшін алғысын білдіріп, Ресей Қазақстанмен өзара тиімді қарым-қатынастарды нығайтуға аса мән беретінін атап өтті. 

«Біз өнеркәсіп, машина жасау, энергетика, мұнай-химия, көлік инфрақұрылымы, цифрлық экономика және басқа да көптеген салаларда ірі инвестициялық жобаларды бірлесіп жүзеге асырып жатырмыз. Біз жаңа өндірістік тізбектер құрылысын жеделдетуді ұсынып отырмыз. Бұған Ресей мен Қазақстанның экономикалық, өндірістік және технологиялық әлеуеттерінің өзара бірін-бірі толықтыруы жақсы негіз болып табылады» Михаил Мишустин

Источник: dknews.kz