үй Қазақстан жаңалықтары Қазақстандағы жол құрылысының жаңа кезеңі: елеусіз мердігерлер үшін «қара тізім»

Қазақстандағы жол құрылысының жаңа кезеңі: елеусіз мердігерлер үшін «қара тізім»

16
0

197 Awrora

Қазақстандағы жол құрылысының жаңа кезеңі: елеусіз мердігерлер үшін "қара тізім"

Фотосурет: Gov

«Қызылорда-Жезқазған» автожолының учаскелерін реконструкциялау мәселелері жөнінде өткен кеңесте шетелдік және отандық жол құрылысшылары өз жұмысын нәтижелі атқара алмаған мердігерлер бұдан былай Қазақстанның жаңа жол жобаларына қатыса алмайтыны туралы ескертілді, деп хабарлайды DKNews.kz.

Өңірлер бойынша кезекті жұмыс сапары барысында Көлік министрі Марат Қарабаев Жезқазғаннан Қызылордаға республикалық маңызы бар жолдарды қайта жаңарту учаскелерін қарау үшін автокөлікпен жүріп өтті. Қызылорда облысында China Civil Engineering Construction Corporation мердігерлік ұйымының базасында ведомство басшысы «ҚазАвтоЖол» ҰК» АҚ және 5 құрылыс компаниясының қатысуымен үлкен кеңес өткізді.

Қазақстандағы жол құрылысының жаңа кезеңі: елеусіз мердігерлер үшін "қара тізім"

Ұзындығы 208 км «Қызылорда-Жезқазған»трассасын реконструкциялау жобасын ЕҚДБ қаржыландырады және жолды III техникалық санаттан II техникалық санатқа ауыстыруды көздейді. Қазіргі уақытта жаңа асфальтбетон жабыны бойынша 85 км қозғалыс ашылып, жұмыстарды 2024-2025 жылдары толық аяқтау жоспарланған.

«Қызылорда-Жезқазған» жобасы 6 учаскеден құралған. 2021 жылдың соңында 67 шақырымнан 216 км-ге дейінгі төрт учаске бойынша келісімшарттарға қол қойылған. Мердігерлеркомпания аталған учаскелерді 2024 жылы тапсыруы керек. 1 және 2-учаскелер бойынша конкурс берілген өтінімдердің ЖСҚ сомасынан асып кетуіне байланысты қайта өткізілді. Нәтижесінде «Қызылорда қаласын айналып өту құрылысы» №1 учаскесі басқа қаржыландыру көзі арқылы іске асыру үшін ЕҚДБ келісімі бойынша жобадан алынып тасталды. №2 учаске бойынша келісімшартқа 2023 жылдың мамыр айында қол қойылған, алайда мердігер ұйымдар тарапынан жоба құнын ұлғайту қажеттілігі туралы мәселе көтерілуде.

Қазақстандағы жол құрылысының жаңа кезеңі: елеусіз мердігерлер үшін "қара тізім"

Осыған байланысты құрылысшылармен әңгімелесу барысында Қазақстандағы жол жобаларын қаржыландырудың аталған мәселелері мен жаңа тәсілдеріне басты назар аударылды. Атап айтқанда, Марат Қарабаев мердігерлерге бұдан былай жол жобаларына қатысты қолдан қымбатшылық жасауларына жол берілмейтінін қатаң ескертті.

Қазақстандағы жол құрылысының жаңа кезеңі: елеусіз мердігерлер үшін "қара тізім"

«Кейбір компаниялар жұмыс басталған алғашқы жылы жұмыстарды әдейі кешіктіріп, үшінші-төртінші жылы қымбаттау мәселесін алға тартады. Осындай тәжірибеге тап болып отырмыз. Бұл ретте «ең басында келесілген сомадан артық ештеңе берілмейді» деп бірден айтамын. Бұрын-соңды басқа учаскелерде, атап айтқанда «Қарағанды – Балқаш» және «Талдықорған – Өскемен» учаскелерінде жұмыс істеген әріптестеріңіздің тәжірибесіне қараңыздар. Бұл баршаға сабақ болып, енді қайталанбайды. Бұдан былай жол жобаларына қатысты қолдан қымбатшылық жасауларыңызға жол берілмейді. Қолыңыздан келмесе, келісімшартты бұзып, жұмысты сол жерден тоқтатыңыз. Бұл барлық мердігер мен жол жобаларына қатысты айтылып отыр» Марат Қарабаев

Ол сондай-ақ ҚР Көлік министрлігі өз тарапынан жобалар құнының қымбаттауынан өзге басқа барлық мәселе бойынша жол құрылысшыларына әрдайым көмек көрсетуге дайын екенін атап өтті.

Қазақстандағы жол құрылысының жаңа кезеңі: елеусіз мердігерлер үшін "қара тізім"

Марат Қарабаев мемлекеттік орган теріс тәжірибесі бар компаниялар Қазақстанның жаңа жол жобаларына қатыса алмайтындай етіп заңнамаға өзгерістер енгізуге бастамашы болғанын айтты.

«Қара тізім» бұрын да болған, алайда қазіраталған норманы пайдалану аясын одан әрікеңейткіміз келеді. Сондықтан елімізге алғаш рет кіріп жатқан компаниялар бірден өздеріне«Қазақстанға ұзақ уақыт жұмыс істеуге келдік пе әлде жоқ па?» деген сұраққа жауап берулерікерек. Өйткені алдағы 6 жылда 8 мың шақырымға жуық жолда құрылыс жұмыстарын жүргізу жоспарланып отыр» Марат Қарабаев

Сондай-ақ ведомство басшысы мердігер ұйымдарға жобаларға толыққанды дайындықпен кірісу қажет екенін еске салды.

«Барлық қажетті техниканы өздеріңізбен бірге алып келіп, ұзақ мерзімге ең жақсы қызметкерлерді жалдаңыз. Егер мердігер жобаға кірісіп, алайда техниканы сатып алу үшін бізден аванс күтіп отырса, біз қоштасуға мәжбүр боламыз. Мұндай тәжірибе біз үшін таңсық емес» Марат Қарабаев

Источник: dknews.kz