үй Қазақстан жаңалықтары ЕХӘҚМ Әдеп жөніндегі уәкілі сыбайлас жемқорлыққа қарсы іс-қимыл бойынша семинарлар өткізді

ЕХӘҚМ Әдеп жөніндегі уәкілі сыбайлас жемқорлыққа қарсы іс-қимыл бойынша семинарлар өткізді

25
0

254 Awrora

ЕХӘҚМ Әдеп жөніндегі уәкілі сыбайлас жемқорлыққа қарсы іс-қимыл бойынша семинарлар өткізді

ҚР Еңбек және халықты әлеуметтік қорғау министрлігінің (бұдан әрі – Еңбекмині) Әдеп жөніндегі уәкілі Өркен Алшынбаева Еңбек және әлеуметтік қорғау комитетінің өңірлік департаменттерінің қызметкерлері үшін «Мемлекеттік қызметшілердің мінез-құлқының этикалық нормалары және сыбайлас жемқорлыққа жол бермеу» тақырыбында семинарлар циклын өткізді, деп хабарлайды DKNews.kz.

Іс-шаралар 7-10 ақпан аралығында Алматы қаласы, Жетісу және Алматы облыстары бойынша Еңбек және әлеуметтік қорғау комитетінің департаменттерінің, сондай-ақ «Әлеуметтік оңалтуды дамытудың ғылыми-практикалық орталығы» ШЖҚ РМК ведомстволық бағынысты ұйымының қызметкерлері үшін өткізілді.

Аталған семинарлар Әдеп жөніндегі уәкілдердің 2023 жылға арналған жұмыс жоспарын орындау шеңберінде өткізіледі.

Семинар барысында Өркен Алшынбаева мемлекеттік қызметшілердің Әдеп кодексінің нормалары мен сыбайлас жемқорлыққа қарсы іс-қимыл туралы заңнаманы егжей-тегжейлі түсіндірді, оның ішінде нақты оқиғаларға негізделген бейнероликтер көрсетілді.

Сондай-ақ ұжымдарда моральдық-психологиялық ахуалды нығайтуға бағытталған зияткерлік ойын ұйымдастырылды. Сонымен қатар, ұжымдарда ішкі проблемаларды анықтау үшін Ө. Алшынбаева әрбір мемлекеттік қызметшімен жеке әңгімелесу өткізді.

Өз кезегінде департаменттердің әдеп жөніндегі уәкілдері Әдеп жөніндегі уәкілдердің қызметін одан әрі жетілдіру жөніндегі жоспар шеңберінде өткен жылғы іске асырылған жұмыс нәтижелерін таныстырды.

Источник: dknews.kz