ЖАҢАЛЫҚТАР Қазан соты "Алға" батальоны жауынгерінің әскери келісімшартты үзу туралы арызын қайтарып тастаған
55003575 Бөлісу
Қазан соты "Алға" батальоны жауынгерінің әскери келісімшартты үзу туралы арызын қайтарып тастаған Бөлісіңіз
Татарстанның астанасы Қазан қаласының әскери гарнизоны соты әскери қызметтен кейін босату туралы Айрат Абдуллин мен Антон Самойловтың арызын қайтарып тастаған. Бұл жөнінде "Idel.Реалии" хабарлады.
Олар соттан "өздері қызмет еткен әскери қызмет бөлімінің басшыларын келісімшартты үзу туралы рапорттарына қол қоюға міндеттеуді" талап еткен. "Ъ-Казань" басылымына бұл ақпаратты адвокаттары хабарлаған.
Украинадағы соғысқа кеткен "Алға" батальонының бұрынғы жауынгері Айрат Абдуллин Қазан қаласының әскери гарнизонының сотына арыз түсірген. Ол әскери бөлім мен Татарстан әскери комиссариатын келісімшарт мерзімі аяқталуына байланысты әскер қатарынан босату туралы арызын қарауға міндеттеуді сұраған.
Оның әскери бөліммен келісімшарты 2022 жылғы 9 шілде мен 9 қараша аралығында күшінде болған. Келісімшарт мерзімі аяқталған соң, кезекті еңбек демалысына жіберіп, әрі қарай әскер қатарынан босату туралы рапорт жазған. Құжатқа рота мен батальон командирі қол қойған. Айрат Абдуллин қаруын тапсырғанымен, бригада командирі рапортына қол қоймаған.
Осыдан кейін Айрат Абдуллин "қызмет орнын" өз бетінше тастап, Қазан қаласына оралған. 25 желтоқсанда рапортын республика комиссариатына жіберіп, мән-жайдың шешімін айтуды өтінген.
Источник: www.azattyq.org
