үй Қазақстан жаңалықтары Экономика Бішкек: Қазақ-қырғыз шекарасында жағдай тұрақталып келеді

Бішкек: Қазақ-қырғыз шекарасында жағдай тұрақталып келеді

20
0

ЖАҢАЛЫҚТАР Бішкек: Қазақ-қырғыз шекарасында жағдай тұрақталып келеді


Бішкек: Қазақ-қырғыз шекарасында жағдай тұрақталып келеді

Қазақ-қырғыз бекетіндегі көлік кезегі. 24 тамыз 2023 жыл. Бөлісу

  Бішкек: Қазақ-қырғыз шекарасында жағдай тұрақталып келеді Бөлісіңіз

Қырғызстан мемлекеттік ұлттық қауіпсіздік комитетінің шекара қызметі қазақ-қырғыз шекарасындағы жағдай тұрақталып қалғанын хабарлады.

Комитет екі ел шекарасындағы кейбір өткізу бекеттерінде көліктер кезегі ақырындап қысқарып келе жатыр деді.

"28 тамыздағы жағдай бойынша "Кен-Булун", "Чалдыбар", "Чон-Капка" өткізу бекеттерінде көліктер кезекте тұрған жоқ. Ал "Ақ-Тілек" өткізу бекетінде қазір шамамен 140 көлік тұр. Кеше, "Ақ-Тілек" бекетінен Қырғызстаннан 292 көлік шығып кетті" деп хабарлады қырғыз шекара қызметі.

Өткен аптада қазақ-қырғыз шекарасындағы "Кен-Булун" және "Ақ-Тілек" өткізу бекетінде жүк көліктерінің ұзын кезегі пайда болып, Қырғызстан тарабы қазақ шекарашылары күніне 5-6 машинаны ғана өткізіп жатқанын айтқан. Өткізу бекеттерінде 350-490 көлікке дейін тұрғаны айтылған.

Қазақстан ҰҚК-ның шекара қызметі өткізу бекеттерінде заңға қайшы әрекеттерді болдырмас үшін кешенді шара жүріп жатқанын мәлімдеген.

26 тамызда Қазақстан президенті Қасым-Жомарт Тоқаев үкіметке қазақ-қырғыз шекарасындағы жағдайды "екі ел арасында қалыптасқан серіктестік және бауырластық қарым-қатынас аясында реттеуді" тапсырған еді.

"Тауарларды шекара арқылы заңсыз тасымалдауға жол бермеу үшін цифрландыру мен автоматтандыруды неғұрлым белсенді енгізу мәселесі бойынша қырғыз тарапымен келіссөздерді жалғастыру қажет" деген Тоқаев.

Қазақ-қырғыз шекарасындағы кезек Жамбыл облысында су тапшылығымен тұспа-тұс келді. Жамбыл облысында шаруалар пайдаланатын судың 80 пайызы Қырғызстаннан келеді. Шекарадағы жағдай ушыққан шақта Қазақстан "су жібермей қойған Қырғызстанды жазалап жатыр" деген сөз де айтылды.

Источник: www.azattyq.org