ЖАҢАЛЫҚТАР Риддер тұрғындары қаладағы қазақ тілді жалғыз мектеп жөнінде Тоқаевқа үндеу жолдады
- Тасқын БОЛАТҰЛЫ
Қазақстан президенті қасым-Жомар Тоқаевқа үндеу жолдап тұрған Риддер тұрғындары. Шығыс Қазақстан облысы, 10 маусым 2023 жыл Бөлісу
Риддер тұрғындары қаладағы қазақ тілді жалғыз мектеп жөнінде Тоқаевқа үндеу жолдады Бөлісіңіз
Шығыс Қазақстан облысының тұрғындары Риддер қаласындағы қазақ тілінде оқытатын жалғыз мектептің ескіргені жөнінде президент Қасым-Жомарт Тоқаевқа бейне үндеу жолдады.
Тұрғындардың айтуынша, "Шаңырақ" мектебі 1936 жылы және 1958 жылдары салынған екі ғимаратта орналасқан. Ғимараттардың біреуі совет кезінде "Пионер үйі" ретінде салынған. Екіншісінің спорт залы апатты жағдайда және ғимараттар арасы алшақ. Оқушылар мен мұғалімдер сабақ арасында үлкен екі көшені қиып өтіп, қатынайды. Екі ғимарат та "заман талабына сай келмейді" дейді үндеу жолдаушылар.
Риддерде былтыр жаңа мектеп салынған. Бірақ үндеу жолдағандар оның аралас мектеп болып ашылғанына наразы. Олардың сөзінше, 2008 жылы бұл мектептің жері "Шаңырақ" мектебіне ғимарат салуға бөлінген. Бірақ 2019 жылы шешім өзгерген, тұрғындар аралас мектепке берілетінін былтыр, мектеп ашыларда білгенін айтады.
“Жарты жылдан бері заң аясында хаттар жолдадық. Мәселе шешілмеген соң митинг өткізуге екі рет сұрандық. Түрлі желеумен қайтарды, сөйтіп конституциялық құқығымызды шектеп отыр. Ескі "Шаңырақ" мектебінің екі ғимаратында 550 оқушы қазақ тілінде оқыса, жаңадан салынған аралас мектепте 150 бала орыс сыныбында оқиды. Біз қаладағы барлық 16 мектеп қазақ тілінде оқытсын демейміз. Жері мен қаражатын “Шаңыраққа” бөлген, бірақ артынан түсініксіз саясатпен аралас болып кеткен мектепті өз иесіне қайтаруды сұрап келеміз" дейді бейне үндеуді оқыған адам.
Источник: www.azattyq.org
