166 Awrora
Фотосурет: freepik
ТЖМ азаматтарды тұрмыстық газды пайдалану ережелерін сақтауға шақырады, деп хабарлайды DKNews.kz.
Газ баллондарының жарылуының және газ-ауа қоспасының тарсылының негізгі себептері қауіпсіз пайдалану талаптарын және тұрмыстық газ баллоны мен газ жабдығын қолдану ережелерін бұзу, олардың дұрыс жұмыс істемеуі болып табылады.
2024 жылдың басынан бері газ-ауа қоспасының жарылуы немесе тарсылының 7 жағдайы тіркелді, онда 6 адам қаза тауып, 19 адам жарақат алды. Бұл жағдайлар Қызылорда, Солтүстік Қазақстан, Батыс Қазақстан, Ақмола және Қарағанды облыстарында орын алды.
Бүгін түнде Қарағанды облысы Бұқар Жырау ауданы Ботақара кентінде 2 қабатты тұрғын үйдегі пәтерлердің бірінде жалпы ауданы 300 ш.м. жарылыс болды, нәтижесінде пәтердің үстіндегі шатыр, қабырғалар мен жабындар толығымен құлады.
Авариялық-құтқару жұмыстарын жүргізу барысында үйінділерден 2 қаза тапқан адамның денесі және 5 жарақат алған адам, оның ішінде 3 бала шығарылды.
ТЖМ азаматтарды газ баллондарын пайдалану ережелерін қатаң сақтауға шақырады:
- баллондарды тек тұрмыстық баллондарды толтыруға арналған мамандандырылған пункттерде толтыруды жүзеге асырыңыз;
- екі қабаттан асатын тұрғын үйлерде газ баллондарын пайдаланбаңыз;
- баллон корпусының қызуына жол бермеңіз;
- үй-жайда газдың иісі пайда болған кезде газ беру кранын жауып, үй-жайды желдету үшін терезелер мен есіктерді дереу ашу, ашық отты пайдаланбау, электр қуатын қоспау керек;
- жұмыс істеп тұрған газ құрылғыларын қараусыз қалдырмаңыз;
- балаларға газ құралдарын пайдалануға жол бермеңіз және оларды қараусыз қалдырмаңыз;
- газдың ағып кетуін тексеру үшін ашық отты пайдаланбаңыз: бұл мақсатта сабын ерітіндісін қолданыңыз.
Источник: dknews.kz
