284 Awrora
2022 жылғы 24 желтоқсанда Жамбыл облысының тұрғындарымен кездесуде сөйлеген сөзінде Энергетикалық ведомство басшысы Болат Ақшолақов бүгінде Жамбыл облысын газдандыру деңгейі республика бойынша ең жоғары көрсеткіштердің бірі болып табылатынын және 94,45% немесе 1 млн. 86 мың адам табиғи газға қол жеткізе алатынын хабарлады, деп хабарлайды Деловой Қазақстан.
2022 жылға республикалық бюджеттен 10 жобаны іске асыруға 10,3 млрд.теңге қарастырылған (8 жалғасуда, 2 жаңа).
2023-2025 жылдарға арналған республикалық бюджет жобасын қалыптастыру шеңберінде 003 бюджеттік бағдарламасы бойынша Жамбыл облысының әкімдігі үшін 10 жобаны (6 жалғасуда, 4 жаңа) іске асыруға 8,4 млрд. теңге мөлшерінде қаражат көзделген. Жобаларды жүзеге асыру нәтижесінде алдағы уақытта 130 мыңға жуық адам табиғи газға қосымша қол жеткізе алады.
Тауарлық газдың көтерме сауда бағасын мемлекеттік реттеуді Энергетика министрлігі, бөлшек сауда бағасын – Ұлттық экономика министрлігі жүзеге асырады. Энергетика министрлігі бекітетін тауарлық газды көтерме саудада өткізудің шекті бағалары газдың өзіндік құнынан және газды тасымалдауға жұмсалатын шығындардан құралады.
Энергетикалық ведомство басшысы атап өткендей, қазіргі уақытта ішкі нарық үшін тауарлық газдың шекті көтерме сауда бағасы жеткізілетін газдың өзіндік құнынан төмен.
Өңірге газды сатып алу мен тасымалдауды, батыс өңірлердің кен орындарының ресурстарынан жеткізілетінін ескере отырып, қала үшін газдың көтерме сауда бағасының өзіндік құны 34,86 теңге/м3, ал бүгінгі күні газдың бекітілген шекті көтерме сауда бағасы 21,69 теңге/м3 құрайды.
Өзіндік құн мен бекітілген көтерме сауда баға арасындағы айырмашылықты газ және газбен жабдықтау саласындағы ұлттық оператор субсидиялайды. Газдың соңғы бағасын Ұлттық экономика министрлігі бекітеді және бүгінде ол 25,28 теңге/м3 құрайды.
Источник: dknews.kz
