Фото: ғаламтордан
Астанада журналист Махамбет Әбжанға сот үкімі шықты.
Алматы, NEGE. «Махамбет Мұратбекұлы Әбжан Қазақстан Республикасы Қылмыстық кодексінің 274-бабы 3-бөлігі, 2-тармағы, 194-бабы 4-бөлігімен қылмыстық құқықбұзушылық жасағаны үшін кінәлі деп танылсын. Және оған 274-баптың 3-бөлігі бойынша — 2 жыл, 194-бабының 4-бөлігінің 2-тармағы бойынша — 9 жыл бас бостандығынан айыру түрінде жаза тағайындалсын», — деді Астана қаласы Сарыарқа ауданының №2 сотының судьясы Айжан Құлбаева.
Сарыарқа ауданының №2 Мамандандырылған ауданаралық сотының үкімімен М. Әбжан көрінеу жалған ақпарат таратқаны және бопсалағаны үшін кінәлі деп танылды.
2022 жылдың 3 шілдесінде М. Әбжан 50 миллион теңге алған кезде ұсталды.
Сот сотталушының қылмыстық іс-әрекетін қауіпті қайталануы деп танды.
Естеріңізге сала кетейік, бұған дейін Әбжан екі рет сотталған болатын. Сонымен қатар, алаяқтық бойынша соттылық жойылған жоқ.
Бейне ақпарат қоса беріледі.
Источник: nege.kz