Банкте сақталған ақша мұрагерлікпен жүзеге аса алады. Мұрагерлер дебеттік карталардан, депозиттерден, шоттардан және басқа да салым орындарынан
- ПОДЕЛИТЬСЯ
- Vkontakte
- Одноклассники
- Telegram
- TengriNews жаңалықтарына жазылу:
- Google News
- Яндекс Новости
- Email рассылка
- Жаңалықтар
- Қазақстан жаңалықтары
- Әлем жаңалықтары
- Қате таптыңыз ба?
- Оны таңдап, Ctrl + Enter пернелерін басыңыз
Банкте сақталған ақша мұрагерлікпен жүзеге аса алады. Мұрагерлер дебеттік карталардан, депозиттерден, шоттардан және басқа да салым орындарынан «Талап етілгенге дейін» қаражатты иемденеді. Мұны тіпті қайтыс болған адам мұра қалдырмаған және жақындарына жинақ ақшасын қайда сақтағаны туралы хабарламаған жағдайда да іске асыруға мүмкіндік бар. Депозиттердің мұрагерлік ерекшеліктері туралы Zanimaem.kz қаржы порталының сарапшысы Арнұр Еркенбаев айтып берді.
Салымшы қайтыс болғаннан кейін депозиттің жағдайы қалай шешіледі
Егер шарттың талаптары көзделсе, онда банктегі барлық салымдар бойынша пайыздар есептеле береді. Кейде салымшылар сенімхатты қалдырады, мысалы, осыған сәйкес жақын адам ай сайын пайыз алады немесе келісімшартты қайта рәсімдей алады. Техникалық тұрғыдан қарастырсақ, клиент қайтыс болғаннан кейінгі уақытта және банк осы факт туралы хабардар еткенге дейін үшінші тұлға салымнан ақша ала алады. Дегенмен, мұрагерлік сот ісін жүргізу нәтижесінде бұл факт әдетте талқыланады және сомалар сот арқылы өндірілуі мүмкін.
Салым мұрагерлерге өсиет немесе заң бойынша берілуі мүмкін, яғни тиісті құжатты көрсету жеткілікті. Банк депозиттің «денесін» ғана емес, айналыс кезінде есептелген пайыздарды да төлеуге міндетті.
Мұрагерлерге қанша қаражат тиесілі
Егер мұрагерлер қайтыс болған адамның мұрасын қабылдайтын болса, онда олар оның барлық мүлкін, соның ішінде банктік салымдарды ғана емес, сонымен қатар ипотека, автокредит немесе МҚҰ-дағы микрокредит сияқты қарыздарды да алады.
Егер өсиет қалдырылса, іс-қимыл алгоритмі қарапайым – құжатта көрсетілген тұлғалар қайтыс болған адамның жинағын талап ете алады. Ал егер өсиет болмаған жағдайда, туыстары ешқандай жинақ жоқ екеніне сенімді болса да, әр түрлі банктердегі депозиттердің бар-жоғын тексеру керек. Ол үшін нотариус мүлікті іздеуге сұрау салады.
Іздестіру қорытындысы бойынша табылатынның бәрі заң бойынша нотариус айқындайтын мұрагерлерге тиесілі. Десек те, егер депозит табылған банкте қайтыс болған адамның несиенің кез-келген түрі бойынша өтелмеген қарызы болса, мұрагерлер осы қарызды шегергендегі соманы алатынын ескеру қажет.
Теңгелік салымдар бойынша өтемақы төлене ме?
Жинақ шоттарында сақталған теңгелік салымдар бойынша қазақстандықтар өтемақы ретінде 10% ала алады. Есептеу ережелерінде осы уақытқа дейін мұраға алынған салымдар бойынша өтемақы беру тәртібі сипатталмаған. Бірақ көп ұзамай бәрі өзгеруі мүмкін – Қаржы министрлігі жарлық жобасын дайындады, ол қабылданған жағдайда өтемақы төлеуді мұрагерлерге де таратады.
Сонымен қатар, бұл жағдайда банктің клиенті екі өтемақы талап ете алады – өз салымы мен қайтыс болған адамның мұрагерлікке қалған депозиті бойынша. Алайда, сома 20 млн теңгеден аспауы тиіс.
Источник: kaz.tengrinews.kz
