үй Қазақстан жаңалықтары Тазаланбаған мұржа екі әйелдің ауруханаға түсуіне себеп болды

Тазаланбаған мұржа екі әйелдің ауруханаға түсуіне себеп болды

0

280 rob

Катонқарағай ауданында 2023 жылғы 14 ақпанда сағат 11:17-де жергілікті ауруханаға 1991 және 2003 жылы туған екі әйел түсіп, терапия бөлімшесіне жатқызылды. Белгілі болғандай, үйде өрт қауіпсіздігі талаптары бұзылған пеш болған, нәтижесінде уақытында тазаланбаған мұржаның салдарынан жану газдары (СО-2 көміртегі тотығы) шыққан, деп хабарлайды DKNews.kz.

Бұған дейін ШҚО ТЖД қызметкерлері осы мекенжай бойынша 2022 жылдың желтоқсанында нұсқау берген болатын. Өңірде құтқарушылар қауіпсіздік мақсатында және халыққа нұсқау беру үшін 168 000-нан астам үйді аралаған. Нәтижесінде жылыту жүйелерін тиісінше пайдаланбауға байланысты өрт қауіпсіздігі талаптарының 21 000 бұзушылығы тіркелді. ТЖ қызметі мамандарының уақтылы профилактикасы мен түсіндірулерінің арқасында бүгінгі күні пештердегі 7900-ден астам бұзушылықтар жойылды. Халықтың әлеуметтік осал топтары тұратын 2500 — ден астам үйде Департамент Жергілікті атқарушы органдармен және демеушілермен бірлесіп тұрғын үй-жайларда қауіпті газдың шоғырлануы туралы белгі беретін арнайы улы газ датчиктері құрылғыларын орнатты.

Пештерді қаншалықты жиі тазалау керек?

«Қазақстан Республикасының өрт қауіпсіздігі қағидаларына сәйкес: «Түтін мұржалары мен пештерді жылыту маусымы басталғанға дейін, сондай — ақ жылыту пештері үшін үш айда бір реттен жиі болмайтындай күйеден тазартып отыру қажет», — деп ШҚО ТЖД Мемлекеттік өрт бақылау басқармасының бастығы Нұржан Өміржанов атап өтті.

ШҚО ТЖД азаматтарға өрт қауіпсіздігі ережелерін сақтауды ескертеді. Улы газдан уланбас үшін пештердің, мұржалардың күйін қадағалаңыз және оларды үнемі тазартыңыз. Ұйқыға жатпай тұрып бірнеше сағат бұрын пешті жағуды аяқтауға тырысыңыз.

— Күлді, қожды, көмірді жанатын құрылыстардан 15 метр қашықтықта орналасқан арнайы бөлінген жерге алып тастау керек.

-Ешбір жағдайда ашық есіктері бар пештерді жағуға, оларды қараусыз қалдыруға, сондай-ақ жанып жатқан пештерді балаларға қадағалауға тапсырма беруге, пештерде отынды, киімді және басқа да жанғыш материалдар мен заттарды кептіруге және сақтауға болмайды.

Төтенше жағдай кезінде 101 және 112 нөмірлеріне хабарласыңыз.

Источник: dknews.kz

Exit mobile version