375 Awrora
ҚР Парламенті Мәжілісінің және мәслихаттарының ағымдағы сайлау науқанының ерекшеліктері Эфиопия баспасөз агенттігінің штаб-пәтерінде Қазақстан Елшісі, Африка одағы жанындағы Тұрақты өкілі Барлыбай Садықовтың қатысуымен өткен сарапшылар кездесудің басты назарында болды, деп хабарлайды DKNews.kz.
Кездесуге халықаралық сарапшылар, саясаттанушылар, талдаушылар, сондай-ақ эфиопиялық баспа басылымдарының бас редакторлары қатысты.
Б. Садықов сарапшыларды Президент Қасым-Жомарт Тоқаевтың бастамасымен Қазақстанда саяси және әлеуметтік-экономикалық реформалардың іске асырылу барысы туралы хабардар етті. Негізгі назар Қазақстан Парламенті Мәжілісі мен мәслихаттарына ағымдағы өтіп жатқан сайлау науқанының жаңа заңнамалық негіздерге аударылды.
Сарапшыларды 2022 жылы жалпыұлттық референдум арқылы сайлау жүйесінің неғұрлым демократиялық қағидаттарын және белсенді Парламентті қалыптастыруды қамтамасыз ететін Қазақстандағы сайлау туралы заңнамаға конституциялық өзгерістерді енгізуі қызықтырды.
Қатысушылардың қызығушылығын Қазақстандағы Реформалар бойынша жоғары кеңестің инклюзивті ұсынымдары мен шешімдерін әзірлеу тетіктері, сондай-ақ оның басқа елдерде, соның ішінде Африкада пайдалану үшін пайдалы қызмет тәжірибесі тудырды.
Сонымен қатар, кездесудің екінші бөлігі Қазақстанның көпвекторлы бейбіт сыртқы саясатының ерекшеліктеріне және Қазақстан-Эфиопия ынтымақтастығының даму перспективаларына арналды.
Қатысушылар көрші елдермен достық, өзара тиімді қарым-қатынастарды құру мен нығайтудың Қазақстандық тәжірибесі туралы, үдемелі экономикалық даму үшін қолайлы және болжамды сыртқы ортаны құрудың тәсілдері мен құралдары туралы көбірек білді. Елші 2022 жылғы екіжақты ынтымақтастықтың қорытындылары және 2023 жылға арналған жұмыс жоспарлары туралы айтып берді.
Жалпы, сарапшылар Қазақстанда жалғасып жатқан өзгерістерді табысты іске асыруды тіледі және басталған сайлау науқанының жоғары бәсекелестігі Парламенттің мемлекеттік демократиялық басқарудағы рөлін күшейтуді қамтамасыз етеді деген пікірге келді. Олар сондай-ақ Қазақстанмен екіжақты өзара іс-қимылдың перспективаларын оң бағалады.
Источник: dknews.kz
