425 Арман
Сыбайлас жемқорлыққа қарсы іс-қимыл агенттігінің Төрағасы Асхат Жұмағали Қазақстандағы БҰҰ Даму Бағдарламасының Тұрақты өкілі Катаржина Вавьерниамен кездесті, деп хабарлайды DKNews.kz.
Кездесу барысында Асхат Жұмағали Агенттік пен БҰҰДБ арасындағы жемқорлыққа қарсы күрестегі ынтымақтастықтың маңыздылығын атап өтті.Төраға БҰҰДБ өкілдерін Агенттіктің ағымдағы жоспарларымен және заңнамалық бастамаларымен, оның ішінде бизнес пен кәсіпкерлікті қорғау саласында жүргізіліп жатқан жұмыстармен таныстырды.
Тараптар БҰҰДБ-мен бірлескен жобаларды, оның ішінде салалар бойынша сыбайлас жемқорлық тәуекелдерін талдау саласында ұйымдастыру мүмкіндігін талқылады.
Катаржина Вавьерниа кездесуді ұйымдастырғаны үшін ризашылығын білдіріп, техникалық көмек көрсетуге және серіктестікті нығайтуға дайын екендігін жеткізді.
Источник: dknews.kz
