155 Арман
Қазақстан астанасында «QazIndustry» қазақстандық индустрия және экспорт орталығы мен Бразилия Ұлттық өнеркәсіптік конфедерациясының (CNI) төрағалығымен Қазақстан-Бразилия іскерлік комитетінің екінші отырысы өтті. Іс-шараға екі елдің мемлекеттік органдарының, экономикалық ұйымдарының және компанияларының 40-тан астам өкілдері қатысты, деп хабарлайды DKNews.kz.
«QazIndustry» АҚ Басқарма Төрағасы Берік Бекенов іс-шараны аша отырып, 2021 жылы құрылған Іскерлік кеңес Қазақстан мен Бразилияның жетекші өнеркәсіптік кәсіпорындары үшін Институционалдық база ретінде сауда-экономикалық және инвестициялық ынтымақтастықтың белсенді алаңы және қозғаушы күші болып табылатынын атап өтті. Бұл тұрғыда екі елдің экономикалық және инвестициялық мүмкіндіктерінің барлық әлеуетін іске асыру бойынша іскери қоғамдастықтың күш-жігерін шоғырландырудың шұғыл қажеттілігі атап өтілді. Сондай-ақ, Бразилияның машина жасау, аспап жасау, энергетика, агрохимия және ауыл шаруашылығы саласындағы жетістіктері мен тәжірибесін ескере отырып, қазақстандық тарап үшін экономиканың осы секторларындағы ынтымақтастықты кеңейту практикалық қызығушылық тудыратыны атап өтілді.
Өз кезегінде Бразилия ұлттық өнеркәсіп конфедерациясының (CNI) Вице-президенті Жилберто Порсело Петри Іскерлік кеңес құру және бірлескен жобаларды жүзеге асыру үшін осы механизмге Бразилиялық компанияларды көбірек тарту осы институт шеңберіндегі жұмыстың басты басымдығы болып табылатынын атап өтті. Ж.Петридің пікірінше, қазіргі уақытта Бразилия мен Оңтүстік Американың іскери топтары Қазақстанның орасан зор ресурстық, технологиялық және транзиттік әлеуеті туралы әлі де жеткілікті дәрежеде хабарландырылмаған, сондықтан Іскерлік кеңестің бірінші кезектегі міндеті осы тақырыпты жан-жақты ашу және мазмұнды толықтыру болып қала береді. Сонымен қатар, бразилиялық әріптестің айтуынша, Бразилия мен Қазақстан жаһандық азық-түлік қауіпсіздігін қамтамасыз етуде маңызды рөл атқарады және осы бағытта белсенді ынтымақтаса алады.
Отырыстың ашылуында Бразилияның Қазақстандағы Елшісі Рубем Антонио Корреа Барбоза және Қазақстан Сыртқы істер министрлігі Америка департаментінің директоры Нұрғали Арыстанов та қоштау сөздерін сөйледі. Дипломаттардың пікірінше, Қазақстан мен Бразилия бір-біріне Орталық Азия мен Оңтүстік Америка аймақтарындағы негізгі серіктестер болып табылады. Екі ел арасында берік саяси диалог орнап, Іскерлік байланыстар белсенді дамуда. Бүгінгі таңда Қазақстан-Бразилия Іскерлік кеңесі тікелей бизнес-байланыстарын орнату арқылы екіжақты экономикалық байланыстардың географиясын кеңейтуге мүмкіндік берді. Бұған экономикалық форумдар мен презентациялардың оң динамикасы, сондай-ақ өткен жылы екіжақты тауар айналымының айтарлықтай өсуі дәлел. Қазіргі уақытта Қазақстан мен Бразилия ЭЫДҰ-ға (Экономикалық ынтымақтастық және даму ұйымы) кіру бойынша белсенді күш-жігер жұмсауда, оған мүшелік экономика саласындағы екіжақты ынтымақтастықты кеңейту үшін қосымша серпін береді.
Қазақстан тарапынан отырыс барысында ҚР Ауыл шаруашылығы министрлігі агроазық–түлік нарықтары және ауыл шаруашылығы өнімдерін қайта өңдеу департаменті өсімдік шаруашылығы өнімдерін қайта өңдеу басқармасының басшысы Гүлнар Бижігітова, «Қазфосфат» ЖШС коммерция жөніндегі атқарушы директоры Бауыржан Болатханов, «Kazakh Invest» басқарма төрағасының орынбасары Руслан Ибраимов және «QazIndustry» АҚ арнайы экономикалық және индустриялық аймақтарды дамыту дирекциясының басшысы Айдын Ракымжан баяндамалар мен салалық презентациялар жасады.
Бразилия тарапынан өз компанияларының портфолиосы мен өңірлік жобаларының презентацияларын «WEG» Орталық Азиядағы коммерциялық директоры Андрей Кокулин, «Embraer» Еуропа бойынша директоры Вадимс Фокинс, «Tramontina» компанияның аймақтық директоры Сергей Чулнов және калий және азот тыңайтқыштарын өңдеуге және сатуға маманданған «Piratini» компаниясының Президенті Марио Дарос жасады. Қазіргі уақытта, әзірге жалғыз бразилиялық «WEG» компаниясы Қазақстан Республикасында техникалық хаб құру және электр жабдықтарын өндіруді локализациялау бойынша инвестициялық жобаны іске қосты.
Пікірталас барысында тараптар географиялық қашықтыққа және теңіз тасымалы логистикасының қиындықтарына қарамастан, Қазақстан мен Бразилияның сауда және инвестициялық ынтымақтастығын одан әрі арттыру үшін зор әлеуеті бар екенін атап өтті. Бұл үдерісте сауда-экономикалық ынтымақтастық жөніндегі Үкіметаралық жұмыс тобын құру және инвестицияларды өзара қорғау және көтермелеу туралы екіжақты келісім жасасу маңызды тірек болып табылады. Бразилия елдің Ауыл шаруашылығын тыңайтқыштармен қамтамасыз етудегі жоғары қажеттілігін ескере отырып, тараптар Қазақстаннан қажетті шикізатты жеткізу мүмкіндігін қарастырды. Өз кезегінде, қазақстандық тарап осы жылдың маусым айында Сан-Паулу қаласында Қазақстанның инвестициялық және сауда мүмкіндіктері (Investment Round table) тақырыбында дөңгелек үстел өткізу туралы хабардар етті және бразилиялық тарапты оған белсенді қатысуға шақырды.
Іс-шара қорытындысы бойынша Қазақстан-Бразилия Іскерлік кеңесінің екінші отырысының хаттамасына қол қойылды.
Биыл Қазақстан мен Бразилия дипломатиялық қатынастардың орнағанына 30 жыл толуын атап өтеді.
«Қазақстан – Бразилия» іскерлік комитеті 2021 жылғы 26 тамызда «QazIndustry» қазақстандық индустрия және экспорт орталығы мен Бразилияның Ұлттық өнеркәсіптік конфедерациясы (CNI) арасында тиісті меморандумға қол қою арқылы құрылды. Іскерлік кеңестің алғашқы отырысы 2021 жылдың қараша айында Бразилия астанасында ҚР Сыртқы істер министрінің орынбасары А.Айдаровтың қатысуымен өтті. Қазақстан мен Бразилияның екіжақты тауар айналымы 2022 жылы екі есеге ұлғайып, 364,4 млн АҚШ долларын құрады (экспорт – 84,7 млн АҚШ доллары, импорт-279,4 млн АҚШ доллары). А.ж. қаңтар-ақпан айлары үшін өзара сауда көлемі өткен жылдың сәйкес кезеңімен салыстырғанда 333% — ға өсіп, 58,9 млн. АҚШ долларына жетті (қазақстандық экспорт – 28,8 млн.доллар, Бразилиядан импорт – 30,2 млн. доллар).
Источник: dknews.kz
