889 Арман
Көрмеде Қазақстан, Австрия, Германия, Қытай, Нидерланды, БАӘ, Ресей және Түркияның мұнай-газ саласынан 86 компания өз өнімдерін ұсынды. Шараға облыс әкімі Серік Шәпкенов қатысты, деп хабарлайды облыс әкімінің баспасөз қызметі.
Аталған көрмеге 34 компания алғаш рет қатысып отыр. «Atyrau Oil&Gas» көрмесіне елімізден 58 компания қатысса, оның 18-і Атыраудан, деп хабарлайды DKNews.kz.
«Atyrau Oil&Gas» көрмесі — көп жылдан бері нарықтағы мұнай-газ секторы мамандарының басын тоғыстырған алаң. Бұл — мұнай және газ өндіру, мұнай-газ жабдықтарын өндіру және инфрақұрылымды дамыту салаларындағы жаңа әріптестік жобаларды іздеу орны. Өйткені мұнда қазақстандық және шетелдік сала мамандары мұнай-газ саласын дамытудың түрлі бағытын және қазіргі заманғы технологияларын ұсынады.
Дәстүр бойынша мұнай-газ өндіруші компаниялар, мұнай-газ жабдықтарын өндірушілер, жеке және өнеркәсіптік қорғау құралдарын өндірушілер, бақылау-өлшеу аспаптары және автоматика өндірушілері өнімдерін ұсынады.
Аталған көрме 5-7 сәуір аралығында өтеді.
Источник: dknews.kz
