780 Арман
Қазақстанның шахматтан әйелдер құрамасы әлемнің ең мықты шахматшыларына қарсы ойнайды, деп хабарлайды DKNews.kz.
2023 жылғы 17-19 сәуір аралығында Астанада халықаралық қаржы орталығының (АХҚО) аумағында Халықаралық шахмат матчы өтеді. Онда Қазақстан әйелдер құрамасы рапид және блиц бойынша әлем әйелдер құрамасына қарсы ойнайды.
Бұл тек қазақстандық ғана емес, әлемдік шахмат тарихында бұрын-соңды болмаған оқиға. Бұған дейін 1970, 1984 және 2002 жылдары КСРО мен Ресей құрамаларына қарсы әлемнің ерлер құрамаларының матчтары ғана өткізілген болатын.
Астанадағы жарыстарға қатысатын командалардың құрамына елдік және FIDE халықаралық рейтингтерінің иегерлері кірді. Қазақстандық құраманы гроссмейстер Гүлмира Дәулетова, ал әлемдік құраманы гроссмейстер, экс – экономика министрі және Латвияның бұрынғы Қаржы министрі Дана Рейзниец-Озола басқарады.
Қазақстан құрамасында Бибісара Асаубаева, Жансая Әбдумәлік, Динара Сәдуақасова, Меруерт Камалиденова, Лия Құрманғалиева, Ксения Балабаева, Алуа Нұрманова, Зарина Нұрғалиева сияқты шахмат спортының жұлдыздары бар. FIDE рейтингінде нөмірі 1 қытайлық шахмат жұлдызы, 4 дүркін әлем чемпионы Хоу Ифань, сондай-ақ, атақты шахматшылар Нана Загнидзе (Грузия), Харика Дрюнавалли (Үндістан), Гюнай Мамезаде (Әзірбайжан), Нұргүл Сәлімова (Болгария), Жока Гаал (Венгрия), Шри Б. Савита қазақстандықтарға қарсы күреседі (Үндістан), Афруза Хамдамова (Өзбекстан).
«Қазақстан әйелдер құрамасы өте мықты және олардың жеңіске жету мүмкіндіктері жоғары. Бибісара, Жансая, Динара керемет нәтижелер көрсетуде және олар әлемнің жетекші шахматшыларының қатарына кіреді» Қазақстан шахмат федерациясының президенті, СЕО Freedom Holding Corp негізін қалаушы Тимур Турлов
Көрермендер мен жанкүйерлер аумағына мына сілтеме бойынша тіркелу арқылы тегін кіруе аладыы: womenteamsmatch.tilda.ws/registration
Назар аударыңыз: Матчқа өту үшін сізге жеке куәлік қажет, себебі ЖСН нөмір көрсету міндетті.
Әйелдер құрамасының ойындары шахмат әлеміндегі жылдың басты оқиғасы – Ян Непомнящий мен Дин Лижен арасындағы 2023 жылғы классикалық шахматтан әлем чемпионы атағы үшін матч шеңберінде өтеді. 9 сәуір st.Regis Astana қонақ үйінде басталған Әлем чемпионаты 1-мамырға дейін жалғасады. Матчтың бас серіктесі және ұйымдастырушысы – Freedom Holding Corp.
Источник: dknews.kz
