434 Арман
Бүгін Ташкентте Орталық Азиядағы сауда рәсімдерін жеңілдету жөніндегі Ұлттық комитеттердің 9-шы өңірлік кездесуі өтуде, деп хабарлайды DKNews.kz.
Қазақстан, Қырғызстан, Тәжікстан, Түрікменстан және Өзбекстаннан келген мемлекеттік және жеке секторлардың өкілдері, халықаралық сарапшылар трансшекаралық сауданы жеңілдетуге бағытталған қолданыстағы шараларды, сондай-ақ өңірлік ынтымақтастықтың одан әрі жоспарлары мен басымдықтарын талқылады. Өзекті мәселелердің қатарына сауда рәсімдерін цифрландыру және жеке сектор үшін ақпаратқа қолжетімділікті жақсарту жөніндегі бастамалар жатады.
Қазақстандық делегация басшысы, ҚР Сауда және интеграция вице-министрі Жанель Кушукова атап өткендей, Орталық Азия елдері дәстүрлі түрде Қазақстанның негізгі сауда серіктестерінің қатарына кіреді.
«2022 жылы Қазақстанның өңір елдерімен тауар айналымы 2021 жылмен салыстырғанда 25,7%-ға ұлғайып, 7,9 млрд АҚШ долларын құрады. ҚР Сауда және интеграция министрлігі Орталық Азия аймағындағы трансшекаралық ынтымақтастығын дамытуға және нығайтуға үлкен көңіл бөледі, бұл біздің мемлекеттеріміз арасындағы сауда өзара іс-қимылын тереңдетуге ынталандыруы мүмкін» Жанель Кушукова
Іс-шара шеңберінде тараптар «Қазақстан Республикасының, Қырғыз Республикасының, Тәжікстан Республикасының және Өзбекстан Республикасының сауда рәсімдерін жеңілдету жөніндегі Ұлттық уәкілетті органдарының сауда рәсімдерін жеңілдету саласындағы ынтымақтастық туралы өтінішіне» қол қойды.
Құжат ақпарат алмасуды кеңейтуге және консультациялар өткізуге жәрдемдесе отырып, ұлттық комитеттер арасындағы ынтымақтастықты жаңа деңгейге шығаруға мүмкіндік береді. Ол сондай-ақ өңірлік сауданы ілгерілету және оңайлату жөніндегі іс-шараларды бірлесіп іске асыруды көздейді.
Құжат ақпарат алмасуды кеңейтуге және консультациялар өткізуге жәрдемдесе отырып, Ұлттық комитеттер арасындағы ынтымақтастықты жаңа деңгейге шығаруға мүмкіндік береді. Ол сондай-ақ өңірлік сауданы ілгерілету және жеңілдету жөніндегі іс-шараларды бірлесіп іске асыруды көздейді.
Сауда процедураларын жеңілдету жөніндегі Ұлттық комитеттер мүдделі тараптар арасындағы диалог үшін маңызды платформалар болып табылады, мұнда жеке және мемлекеттік секторлар тепе-теңдік негізінде ұсынылады.
Сондай-ақ, кездесуге қатысушылар Өзбекстан-Қазақстан шекарасындағы «Яллама» кеден бекетіне барып, сауда рәсімдерінің уақыты мен құнын қысқартуға ықпал ететін енгізілген инновациялардың жұмысын бағалайтын болады.
Қазақстандық делегацияның құрамында Ауыл шаруашылығы министрлігінің, Мемлекеттік кірістер комитетінің, «Атамекен» Ұлттық Кәсіпкерлер палатасының және «QazTrade» АҚ өкілдері кірді.
«Орталық Азиядағы сауда рәсімдерін жеңілдету» өңірлік жобасын GIZ GmbH жүзеге асыруда. Негізгі мақсат-консалтингтік қолдау көрсету арқылы өңірдегі сауда рәсімдерін оңайлату жөніндегі шараларды жақсарту. Жоба шекарада және транзит кезінде жүктерді бақылаудан өту рәсімдерін жеделдетуге жәрдемдеседі, сондай-ақ оларды тиімдірек және ашық етуге көмектеседі.
Источник: dknews.kz
