366 Арман
Сыбайлас жемқорлыққа қарсы іс-қимыл агенттігінің Төрағасы Асхат Жұмағали БҰҰ БҒП өңірлік өкілі Ашита Митталмен кездесті, деп хабарлайды DKNews.kz.
Кездесу барысында Асхат Жұмағали БҰҰ өкілдерін Агенттіктің ағымдағы жоспарларымен және заңнамалық бастамаларымен, оның ішінде бизнес пен кәсіпкерлікті қорғау, сондай-ақ заңсыз шығарылған активтерді қайтару саласында жүргізіліп жатқан жұмыстармен таныстырды.
Антикор басшысы Агенттіктің 2022 жылдан бастап Қазақстан бюджетіне мүлік, активтер және ақша қаражаты түрінде 1,4 млрд АҚШ долларынан астам ақшаны қайтаруды қамтамасыз еткенін хабарлады.
Тараптар ынтымақтастықты одан әрі нығайту, жоғары технологияларды, оның ішінде криптовалютаны пайдалана отырып, жемқорлық фактілерін тергеуде тәжірибе алмасу мүмкіндігін талқылады.
Миттал ханым Сыбайлас жемқорлыққа қарсы қызметтің жұмысын жоғары бағалап, сараптамалық көмек көрсетуге және әріптестікті нығайтуға дайын екенін білдірді.
Источник: dknews.kz
