465 Арман
Санта-Катарина штатына жұмыс сапары барысында Қазақстанның Бразилиядағы Елшісі Болат Нүсіпов мекеменің ресми тақтайшасын орната отырып, Санта-Катарина штатында Қазақстан Республикасының Құрметті консулы кеңсесінің ашылуына қатысты, деп хабарлайды DKNews.kz.
Кездесу барысында Елші Бразилия Қазақстанның Оңтүстік Америкадағы негізгі серіктесі болып табылатынын, екі ел арасында тұрақты саяси диалог орнатылғанын, экономикалық, сауда және инвестициялық байланыстар қарқынды дамып келе жатқанын атап өтті. Осы аймақтағы алғашқы Бразилиялық «WEG» компаниясы өзінің инвестициялық қызметін Қазақстанда бастауға ниетті. Қазақстандық Елші Алтамир Осни Тейшейраны Құрметті консулдық кеңсесінің ашылуымен құттықтап, Қазақстанның Бразилия мемлекетімен ынтымақтастығының басым бағыттарын белгіледі.
Өз кезегінде Альтамир Осни Тейшейра жоғары мансапқа тағайындалғаны, Қазақстан атынан өкілдік ету мүмкіндігі үшін алғыс білдіріп, Қазақстан мен Бразилия арасындағы екіжақты қарым-қатынастарды нығайтуға жан-жақты жәрдемдесуге дайын екенін мәлімдеді.
Іс-шара биыл екі ел арасындағы дипломатиялық қатынастардың орнағанына 30 жыл толуына орай ұйымдастырылды.
Источник: dknews.kz