287 Арман
31 наурызда ҚР-дың ҚХР Гонконг және Макао АӘА-ғы Бас консулдығының қолғабысымен Гонконгта ҚР азаматтарының, оның ішінде студенттер мен шетелдік қонақтардың қатысуымен Наурыз мейрамы ұйымдастырылды, деп хабарлайды DKNews.kz.
Іс-шараның салтанатты ашылуында ҚР Бас консулы А.Сейтақынов қатысушыларды дәстүрлі Наурыз мерекесімен құттықтап, достықты, бірлікті және өзара сыйластықты нығайтуға ықпал ететін мерекенің мәдени және тарихи маңыздылығын атап өтті.
Қонақтар Қазақстан халқының мәдениеті және салт-дәстүрлерімен, Наурыз мерекесінің ерекшеліктерімен танысты. Қазақстандық студенттер күйлер, әндер мен билерді орындады. Мерекеге қатысушылар әр түрлі конкурстар мен ұлттық ойындарға, соның ішінде арқан тартуға қатысты.
Шетелдік азаматтар дәстүрлі тағамдарды дәм татты (бауырсақ, наурыз көже, қазы, құрт және т.б.).
Источник: dknews.kz