854 rob
Қазақстан Елшісі Тимур Оразаев Литва Сеймінің Спикері Виктория Чмилите-Нильсенмен екіжақты күн тәртібін және түрлі салалардағы өзара іс-қимылды одан әрі арттыру мәселелерін талқылады, деп хабарлайды DKNews.kz.
Литвалық парламент төрайымы Қазақстанды өз елінің Орталық Азиядағы басты серіктесі деп атап, халықтарымыз арасындағы тарихи қалыптасқан берік байланыстарды және Астананың халықаралық мәселелердегі салмақты ұстанымын ерекше атап өтті. Сондай-ақ, Қазақстан мен Литваның заң шығарушы органдарында парламентаралық достық топтарының белсенді жұмысын қанағаттанушылықпен атап өтті. Екі ел депутаттарының Астана мен Вильнюске өзара сапарлары екіжақты байланыстарды тек саяси деңгейде ғана емес, ынтымақтастықтың басқа салаларында да нығайтуға ықпал етеді.
Қазақстандық елші сауда-экономикалық және инвестициялық саладағы қазақстандық-литвалық өзара іс-қимылдың оң динамикасын ерекше атап өтті. Мәселен, 2022 жылдың қорытындысы бойынша сауда көлемі 28,7%-ға өсіп, 584 млн АҚШ долларды құрады, энергетика саласындағы ірі инвестициялық жобалар өзара іске асырылуда.
Конституциялық реформаның кезең-кезеңімен жүзеге асырылуы, Қазақстанның сайлау жүйесіндегі жаңашылдықтар және Парламент Мәжілісі мен мәслихаттар депутаттарының алдағы сайлауы туралы жеке айтып өтті.
Сұхбаттастар екі ел арасындағы, оның ішінде спорт саласындағы мәдени-гуманитарлық байланыстарды кеңейту қажеттілігімен келісті. Литва спикері 2011 жылғы шахматтан Еуропа чемпионы және өз еліндегі жалғыз әйел гроссмейстер бола отырып, қазақстандық шахматшылардың әлем чемпионаттарындағы жетістіктерін ерекше атап өтіп, биылғы жылдың сәуір айында Астанада шахматтан өтетін әлем чемпионатында сәттілік тіледі.
Т. Оразаев өз кезегінде елшіліктің «тоғызқұмалақ» ұлттық ойынын ілгерілету және Вильнюсте осы зияткерлік ойын бойынша бүкіл балтық өңіріне жалғыз федерацияның ашылуы туралы айтып берді.
Источник: dknews.kz
