947 Арман
Қазақстанның Испаниядағы Елшілігінде Наурыз мейрамының салтанатты мерекесі өтті, деп хабарлайды DKNews.kz.
Іс-шараға Испанияда уақытша және тұрақты тұратын қазақстандықтар қауымдастығының өкілдері, студенттер, сондай-ақ Елшілік қызметкерлері мен олардың отбасы мүшелері қатысты.
Қонақтар алдында Қазақстанның Испаниядағы Елшісі Данат Мұсаев пен Испаниядағы азаматтарымыздың бірлестіктерінің басшылығы құттықтау сөз сөйлеп, бейбітшілік пен бірлікке шақыратын осы ежелгі мерекенің терең мәнін атап өтті.
Іс-шара қонақтары үшін мерекелік концерт ұйымдастырылды. Оның барысында дәстүрлі және заманауи қазақ әндері орындалды. Қазақ опера өнерінің «Бұлбұл» және «Көзімнің қарасы» сияқты классикалық туындылары көрермендерге ерекше қуаныш сыйлады. Оларды әлемнің түрлі театрларының шетелдік сахналарында өнер көрсететін опера дивасы Аида Тұрғанбаева орындады. Домбыра мен қобыз әндерін орындаған халықаралық этно трионың өнері де шынайы қызығушылық тудырды.
Мереке қонақтарына қазақтың ұлттық тағамдары – Наурыз көже, ет деликатестері, ұлттық кондитерлік өнімдердің дәмін татуға мүмкіндік берілді.
Мереке соңында дәстүрлі «тұсаукесер» рәсімі өтті. Дәстүр бойынша, мереке барысында мерекенің ерекше атмосферасын құрған ұлттық ойындар да өтті.
Источник: dknews.kz
