274 Арман
Асқар Жұмағалиев Қазақстан Республикасының Нидерландтағы Құрметті консулы Хенк Ниибор ұйымдастырған «Нидерланд-Қазақстан іскерлік қауымдастығы» қызметі аясында «Елшілермен кездесу» ісшарасына қатысты. Шара барысында Асқар Жұмағалиев пен Нидерланд Корольдігінің Қазақстан Республикасындағы Елшісі Андре Карстенс елдеріміз арасындағы ынтымақтастықты орнатуға мүдделі көптеген бизнес өкілдерімен кездесті, деп хабарлайды DKNews.kz.
Айта кету керек, шараға қатысушылар екіжақты экономикалық қатынастарды әртараптандырудағы Елшіліктің рөлін оң бағалады. Осылайша, экономиканың әртүрлі салаларының дамуы нидерландтық инвестицияның қазақстандық нарыққа ұлғаюына ықпал етті. Бүгінгі таңда Нидерланд Қазақстан Республикасы экономикасының «№1 инвесторы» болып табылады, 2022 жылдың қорытындысы бойынша тікелей шетелдік инвестициялар (ТШИ) көлемі 8,3 млрд долларды құрап, рекордтық көрсеткіш 113 млрд долларға жетті.
Асқар Жұмағалиев өз сөзінде шараға қатысушыларды ауыл шаруашылығы, көлік және логистика, жасыл энергетика, тау-кен металлургия кешені және басқа да бірқатар салалардағы кең мүмкіндіктермен бөлісті.
Қатысушыларды экономикалық аспектілерден бөлек, Қазақстан Республикасының саяси жаңару мәселелері қызықтырғанын ерекше атап өткен жөн. Осы орайда саяси реформалар, президенттік және парламенттік сайлаулардың уақытылы және маңыздылығы түсіндірілді. Реформалар Қазақстанның саяси дамуының және демократиялық институттардың дамуының негізі салынғаны атап өтілді.
Презентациялардан жергілікті бизнес өкілдері өздерінің мәселелері мен жобаларын талқылауға мүмкіндік алды. Оларды ақылды қала бағыттары, сутегі өндірісі, құс шаруашылығы, сүт өндірісі және туризм қызықтырды. Елші Асқар Жұмағалиев сұрақтарға жауап беріп, Елімізде осы салалардың барлығына белсенді қолдау көрсетіп отырғанын атап өтіп, қонақтарды жоба бастауға шақырды.
Сондай-ақ шараға қатысушылар Қазақстандағы мүмкін болатын бизнес-жобаларды және инвестор ретінде нарыққа шығу жолдарын талқылап, болашаққа жоспарларын белгілеп, еліміздің қай өңірінде жұмыс істеу керектігін қарастырды.
Қатысушылар өздері үшін тартымды нарық тапқанын, сондай-ақ екі ел арасындағы ынтымақтастықтың әлеуетін арттыру жолдарын атап өтті.
Источник: dknews.kz
