322 Awrora
Қазақстан Елшісі Нұрбах Рүстемов Румыния Сыртқы істер министрлігінің Мемлекеттік хатшысы Юлиан Фотамен кездесу өткізіп, оның барысында қазақстандық-румын ынтымақтастығының жай-күйі мен болашағын талқылады, деп хабарлайды DKNews.kz.
Тараптар елдеріміз арасындағы өзара іс-қимылдың қазіргі деңгейіне оң баға беріп, оның екіжақты және көпжақты форматтағы сындарлы сипатына қанағаттанатындықтарын білдірді. Мемлекеттік хатшы Астана мен Бухарест арасындағы саяси диалогтың үдемелі дамуын, сауда-экономикалық саладағы оң үрдістерді және соңғы жылдары қалыптасқан қарқынды мәдени-гуманитарлық алмасуды жоғары бағалады.
Қазақстандық дипломат әртүрлі салалардағы, соның ішінде көлік-транзит, өнеркәсіп, ауыл шаруашылығы, білім және ақпараттық технологиялар салаларындағы екіжақты әріптестіктің әлеуетін ашудың маңыздылығын атап өтті.
Осыған байланысты тараптар серіктестікті тереңдетуге және екіжақты қарым-қатынастардың барлық спектрі бойынша белсенді өзара іс-қимыл жасауға өзара дайын екендігін білдірді.
Источник: dknews.kz