134 Арман
23 желтоқсанда Алматы облысының Талғар ауданы Тұздыбастау ауылының Мәдениет үйінде облыстық Қазақстан халқы Ассамблеясы құрылымдарының ұйымдастыруымен «Тәуелсіздігім-тұғырым» атты іс-шара өтті, деп хабарлайды Деловой Қазақстан.
Шара барысында Ассамблея құрылымдарының жыл көлемінде атқарған жұмыстары қорытындыланып, «Ауылым – алтын қазынам» облыстық байқауының көрмесі аясында қатысушылар өз жұмыстарын қорғады. Сондай-ақ, «Алатау әуендері» концерттік ұйымы көрермендер назарына шағын концерттік бағдарлама ұсынып, ән-жырдан шашу шашты.
Салтанатты шарада Алматы облыстық ішкі саясат басқармасы басшысының орынбасары Е.Жакупов, ҚХА төрағасының қоғамдық орынбасары И.Юлдабаев қоғамдық тұрақтылық пен азаматтық бірегейлікті нығайту және этностар арасындағы мызғымас достықты насихаттауға үлес қосқан бірқатар азаматтарға құрмет грамоталары мен алғыс хаттар табыс етті.
Мереке қуанышымен бөліскен Жетісу облыстық Аналар кеңесінің төрағасы Н.Баймадиева, республикалық «Мың бала» мәдени-ағартушылық жобасының жеңімпазы З.Маметова өздерінің ақжарма тілектерін арнады.
Сахна төрінде облыстық «Қоғамдық келісім» КММ директоры М.Илипов «Ауылым – алтын қазынам» байқауының қорытындысы бойынша жүлделі орын алғандарға түрлі дәрежелі дипломдар мен сыйлықтар сертификаттарын табыстады.
Источник: dknews.kz
