620 Арман
Қарағанды облысының ең көп оқитын балалары мен ата-аналары Қарқаралы ауданында тұрады – «Оқырман отбасы» байқауының Гран-приіне Шәріп отбасы ие болды, деп хабарлайды Деловой Қазақстан.
Облыстық байқаудың соңғы кезеңінде 15 отбасы екі санат бойынша бақ сынасты – «Театр қойылымы» және «Фотогалерея».
«Театр қойылымы» номинациясында отбасыларға 5 минут ішінде А. Байтұрсыновтың шығармасының сахналануын көрсету қажет болды. Костюмдер мен реквизиттер шығарманың мазмұнына сәйкес келуі керек еді. Бейне және музыкалық сүйемелдеу алдын-ала дайындалды. Сөз соңында міндетті түрде өнегелі қорытынды жасау керек болды. «Фотогалерея» номинациясы — шығармашылық тапсырма. Әр жанұя отбасымен және отбасылық оқумен байланысты фотосуреттер дайындады. Фотосуреттердің саны мен форматы, сондай-ақ отбасылық фотогалереяның жалпы формасы мен идеясын қатысушылар өздері анықтады» Деді ұйымдастырушылар
Комиссияның дауыс беру нәтижелері бойынша номинациялардың жеңімпаздары мен иегерлері анықталды. Мәселен, Гран-приді Қарқаралы ауданының Шәріп отбасы жеңіп алды, ал бірінші орынды Теміртаулық Бақытболат отбасы жеңіп алды.
Сондай-ақ, түрлі номинациялар бойынша үздіктер анықталды – мысалы, «Өнегелі отбасы», «Позитивті отбасы» және т. б.
Барлық жеңімпаздарға дипломдар, ақшалай сертификаттар және бағалы сыйлықтар табыс етілді.
Байқау облыстық «Бір отбасы – бір кітап» акциясы аясында өтті. Ол көп кітап оқитын отбасыларды анықтауға, отбасылық оқу дәстүрлерін жаңғыртуға, жас ұрпақтың бойында отбасылық рухани-адамгершілік құндылықтарды қалыптастыруға бағытталған.
Источник: dknews.kz
