81 Арман
Қарағанды облысында жіті респираторлық вирустық инфекциялардың, тұмаудың және коронавирустың жоғары айналымы байқалады. Науқастардың жартысынан көбі 14 жасқа дейінгі балалар, деп хабарлайды DKNews.kz.
Аймақтағы ағымдағы эпидемиологиялық жағдай туралы Өңірлік коммуникациялар қызметі платформасында өткен брифингте облыстың бас санитарлық дәрігері Юрий Залыгин айтып берді. Ол тұрғындарды қоғамдық орындарға мүмкіндігінше аз баруға, өзін-өзі емдемеуге шақырды.
Жыл сайын қазаннан сәуірге дейін ЖРВИ және тұмаумен сырқаттанушылықтың маусымдық өсуі тіркеледі. Облыста эпидемияға қарсы жедел шаралар қабылдау үшін халықтың сырқаттанушылық жағдайына мониторинг жүргізіледі. Осы жылдың басынан ЖРВИ бойынша 128 774 өтініш тіркелді. Сырқаттанушылық құрылымында 53% 14 жасқа дейінгі балаларға тиесілі. Өткен жылдың сәйкес кезеңімен салыстырғанда сырқаттанушылықтың 35% — ға өсуі байқалады. Ағымдағы эпидемиологиялық маусымның ерекшелігі – тұмаудың алғашқы жағдайларын ерте тіркеу. Юрий Залыгин
Сондай-ақ, эпидемиологиялық маусымның басынан бері облыста 289 тұмау жағдайы зертханалық түрде расталды. Олардың 32-сі соңғы аптада тіркелген.
Тұмаудан басқа, аймақта тұмауға ұқсас вирустар да таралады, сонымен қатар коронавирустық инфекцияның өсуі байқалады. Күніне COVID-19 оң нәтиже көрсеткен 15-ке дейін жағдай тіркеледі. Соңғы аптада алдыңғы жеті күнмен салыстырғанда ауру 35%-ға өсті.
Тағы да алдын алу шараларын сақтау керектігін еске салғым келеді. Адамдар көп жиналатын жерлерде, әсіресе жабық жерлерде болу уақытын шектеу, мұндай бөлмелерде бір рет қолданылатын маскаларды қолдану, ауру белгілері бар адамдармен байланысын шектеу, сонымен қатар қолды сабынмен жиі және мұқият жуу қажет, әсіресе көше мен қоғамдық көліктен кейін. Юрий Залыгин
Источник: dknews.kz
