169 rob
Фотосурет: Қарағанды облысының әкімдігі
Қарағандыда алғаш рет ARTshort шығармашылық киножобасы ұйымдастырылды, деп хабарлайды DKNews.kz.
Онда телефонға түсірілген сегіз қысқаметражды фильм ұсынылды.
Гран-приге «Тағы да шатырда» атты еңбегі үшін Ақбаян Қайыр ие болды.
18 жастағы Ақбаян Қайырдың айтуынша, бұл оның алғашқы фильмі.
– Мен Әбілқас Сағынов атындағы Қарағанды техникалық университетінде оқимын. Конкурсқа курстастарыммен бірге қатыстым. Фильмнің басты ойы – махаббат – бұл ешқандай кедергіні білмейтін ең үлкен сезім. Барлық бейнелер мен түсірілім орындары алдын-ала дайындалған. Қандай да бір ерекшелік болуы үшін шатырда түсіруді шештік. Біздің үмітіміз ақталды, – деп бөлісті жоба жеңімпазы Ақбаян Қайыр.
Аяна Нұрмағамбетованың «Шектеусіз махаббат»
және Ерасыл Сәпиевтің «Бесінші кезең» атты екі фильмі жоба лауреаттары атанды.
«Үздік актер» номинациясында Әли Тілеухановтың «Армандар орындалады» қысқаметражды фильмінде ойнаған Рамазан Әмірханов марапатталды.
ARTshort киножобасының жеңімпаздарына ұйымдастырушылар мен демеушілердің сыйлықтары, сертификаттар мен дипломдар табысталды.
Сондай-ақ, барлық қатысушылар алғыс хаттар алды.
Конкурсты ұйымдастырушы – Қарағанды облысының мәдениет, мұрағаттар және құжаттама басқармасының қолдауымен «Сарыжайлау» кинотеатры.
Источник: dknews.kz
