155 rob
Фотосурет: Көлік министрлігі
Көлік вице-министрі Талғат Ластаев БҰҰ Қазақстан Республикасындағы Тұрақты үйлестірушісі М.Фриберг-Сторимен кездесті, деп хабарлайды DKNews.kz.
Кездесу барысында БҰҰ-мен көлік саласындағы ынтымақтастық мәселелері талқыланды.
Сондай-ақ тараптар биыл 29-30 қаңтарда Брюссельде өтуі жоспарланған Global Gateway инвестфорумына қатысу бойынша жоспарлармен бөлісті.
Айта кетерлігі, министрлік БҰҰ Орталық Азияға арналған бағдарламасының Көлік, транзит және байланыстылық бойынша жұмыс тобының аясында осы бағытта белсенді жұмыс атқарады.
Сонымен қатар Қазақстан теңізге шығатын жолы жоқ ең үлкен аумаққа ие бола отырып, аталған санаттағы елдер тобының (LLDC’s) жыл сайынғы отырыстарына белсенді түрде қатысады.
Жалпы жиынға қатысушылар көлік, инфрақұрылым, логистика және басқа да салаларда белсенді ынтымақтастықты жалғастыруға уағдаласты.
Источник: dknews.kz
