үй Қазақстан жаңалықтары ҚР ИИДМ басшысы Ресей Федерациясы үкімет төрағасының орынбасарымен кездесті

ҚР ИИДМ басшысы Ресей Федерациясы үкімет төрағасының орынбасарымен кездесті

45
0

409 rob

ҚР ИИДМ басшысы Ресей Федерациясы үкімет төрағасының орынбасарымен кездесті

ҚР Индустрия және инфрақұрылымдық даму министрі Марат Қарабаев Мәскеуге жұмыс сапары аясында Ресей Федерациясының үкімет төрағасының орынбасары – РФ Өнеркәсіп және сауда министрі Денис Мантуровпен, сондай-ақ 25-ке жуық өңдеу өнеркәсібі кәсіпорындарының өкілдерімен кездесті, деп хабарлайды DKNews.kz.

Кездесу барысында тараптар жеңіл өнеркәсіпті дамыту және құрылыс материалдарын өндіру мәселелерін, сонымен бірге химия өнеркәсібі үшін мамандар даярлау бойынша өзекті сұрақтарды талқылады. Осы ретте өнеркәсіп саласындағы ынтымақтастық Қазақстан мен Ресейдің арасындағы екіжақты қатынастардың негізгі бағыты екенін айта кеткен жөн.

ҚР ИИДМ басшысы Ресей Федерациясы үкімет төрағасының орынбасарымен кездесті

«Екіжақты әріптестігіміздің бағыттары арасында өнеркәсіптік кооперацияның алар орны ерекше. Қазір 26 бірлескен жоба сәтті іске асырылып, тағы да 7 мыңнан астам жұмыс орнын ашуды көздейтін 23 ірі жоба жүзеге асырылып жатқанын айта кету керек» Марат Қарабаев

Бұл ретте 2022 жылдың шілдесінде Қазақстан Екатеринбургтегі «Иннопром-2022» халықаралық өнеркәсіптік көрмесінде әріптес мемлекет ретінде табысты өнер көрсеткенін айта кеткен орынды. Нәтижесінде іскерлік қарым-қатынасты жоғары деңгейге арттыруға бағытталған бірлескен іс-қимыл бағдарламалары мен 27 екіжақты шарттарға қол қойылды.

ҚР ИИДМ басшысы Ресей Федерациясы үкімет төрағасының орынбасарымен кездесті

Ведомство басшысы Марат Қарабаев биыл отандық өнеркәсіп кәсіпорындары Екатеринбург қаласында өтетін «ИННОПРОМ» халықаралық көрмесіне қатысатынын атап өтті. Сонымен қатар осы жылдың қыркүйегінде Астанада Мемлекет басшысының, сондай-ақ ЕАЭО, Пәкістан, Түркия, Үндістан, Иран, Әзірбайжан және басқа да елдердің ұлттық экспозициялары мен жекелеген компанияларының қатысуымен «ИННОПРОМ Қазақстан» көшпелі өнеркәсіптік көрмесін өткізу жоспарланып отыр.

ҚР ИИДМ басшысы Ресей Федерациясы үкімет төрағасының орынбасарымен кездесті

Естеріңізге сала кетейік, Мәскеуге жасаған жұмыс сапары барысында ҚР Индустрия және инфрақұрылымдық даму министрі Марат Қарабаев көршілес мемлекеттің Құрылыс және тұрғын үй-коммуналдық шаруашылық жөніндегі министрі Ирек Файзуллинмен, РФ Көлік министрі Виталий Савельевпен және Ресей Федерациясының Энергетика министрі Николай Шульгиновпен кездесті. Аталған кездесулерде сәулет, қала құрылысы және тұтастай құрылыс саласын дамыту, битум жеткізу мәселелері, сондай-ақ жүк әрі жолаушылар автотасымалы бағытындағы екіжақты үкіметаралық келісім жобасын дайындау мәселелері қаралған болатын.

Источник: dknews.kz