604 rob
Сенаттың Экономикалық саясат, инновациялық даму және кәсіпкерлік комитетінің төрағасы Дәурен Әділбеков Ақмола облысының тұрғындарымен кездесті, деп хабарлайды DKNews.kz.
Сенатор Ақкөл ауданында жаңадан салынған жылу қазандығының ғимаратында болды. Жергілікті мамандар қазандық пайдалануға берілгеннен кейін аудандағы бірқатар әлеуметтік маңызды нысандарды, сондай-ақ бірнеше көпқабатты үйлерді орталық жылу құбырына қосу мүмкіндігі пайда болғаны туралы айтты.
Дәурен Әділбеков сонымен қатар Көкшетау қаласында болып, бизнес өкілдерімен де кездесті. Қаптар мен полипропилен ыдыстарын өндіретін кәсіпорынның жұмысымен танысқан сенатор шығарылатын өнімнің халықаралық стандарттардың бәріне сай келетіні аса маңызды екенін атап өтті.
Кездесу барысында кәсіпорын бастан кешіп жатқан мәселелер туралы айтылды. Ол көбінесе дайын өнімді ішкі және сыртқы нарықтарда сатудағы қиындықтарға қатысты болды. Дәурен Әділбеков өз кезегінде отандық бизнестің мүдделерін қорғау Сенат жұмысындағы басты басымдықтардың бірі екенін атап өтті. Депутат осыған байланысты кәсіпорынның бәсекеге қабілеттілігін дамыту жөніндегі шараларды зауыт басшылығымен бірлесе талқылап, осы мәселені назарда ұстайтыны туралы айтты.
Источник: dknews.kz
