223 rob
Фотосурет: ШҚО ТЖД баспасөз қызметі
Температураның күрт өзгеруі, жел және жаңбыр түріндегі жауын-шашын-таулардан қар массасының түсуіне қолайлы уақыт, деп хабарлайды DKNews.kz.
Шығыс Қазақстанның таулы аймақтарында температураның төмендеуі кезінде пайда болған тұрақсыздық байқалды.
«Өңірде «Қазселденқорғау» мамандары қар көшкіні қаупі бар бағыттарда қардың жиналуын бақылауды ұйымдастырды. Бірден бірнеше тау шаңғысы базалары орналасқан «Өскемен-Таулы Үлбі-Северное» автожолында қауіпсіздікті қамтамасыз ету үшін жаллпы көлемі 3000 текше метр жасанды түрде көшкін түсірілді», — деп атап өтті «Қазселденқорғау» ШҚ филиалының басшысы Советбек Станбеков.
ШҚО ТЖД және ШҚ «Қазселденқорғау» филиалы азаматтардан, таулардағы демалыс әуесқойларынан, туристер мен демалушылардан қар көшкінін тудыруы мүмкін болғандықтан қарлы беткейлерге шықпауды, сондай-ақ таулы жерлерде барлық қауіпсіздік пен мінез-құлық шараларын сақтауды сұрайды. Тауға шықпас бұрын ауа-райы болжамын және дауыл туралы ескертулерді қадағалаңыз, ол үшін «Дармен» мобильді қосымшасын тегін жүктеп алыңыз. Қар көшкіні қаупі бар жерлерде автожолдарда, тоқтауға, аялдауға болмайды.
Источник: dknews.kz
