300 Арман
Халықты өрт қауіпсіздігі шараларына оқыту мемлекеттік өртке қарсы қызмет органдары қызметінің негізгі бағыттарының бірі болып табылады, деп хабарлайды Деловой Қазақстан.
Осыған байланысты, Төтенше жағдайлар министрлігінің баспасөз қызметінің бастамасымен ҚР ТЖМ Мәлік Ғабдуллин атындағы Азаматтық қорғау академиясының оқытушылары халықтың қауіпсіздік талаптарын сақтау бойынша білім деңгейін арттыруға бағытталған үйретуші бейнероликтердің сериясын жасау бойынша жұмысты бастады.
Адамды ықтимал төтенше жағдайларға, өміріне және денсаулығына қауіп төнген жағдайлардан шығудың жолын таба білуге дайындау, оның күнделікті өмірде қауіпсіздік талаптарын сақтау бойынша қарапайым білімі мен дағдыларын қалыптастыру негізінде мүмкін болады.
Пешті жылыту қауіпсіздігі, жазғы өрт қауіпті кезең, көктайғақ және қысқы балық аулау қаупі мәселелері бойынша үйретуші бейнероликтерін, жаңа жыл мерекесі кезіндегі қауіпсіз жүріс-тұрыс, электр аспаптарын пайдалану бойынша ұсынымдар жасау және тарату жоспарлануда. Сонымен қатар, ішкі өрт сөндіру кранын пайдалану, өрт сөндіргішті қолдану және өмірді қорғауға және сақтауға көмектесетін басқа тақырыптар маңызды болады.
Бүгінгі таңда әлеуметтік желілердегі ТЖМ ресми парақшаларында улы тотығымен улану қаупі туралы бейнеролик дайындалып, орналастырылды.
Источник: dknews.kz
