157 Awrora
Фотосурет: Depositphotos
Мәжіліс үшінші елдермен өзара саудадағы техникалық кедергілерді жою тәртібі мен шарттары туралы келісімді ратификациялады, деп хабарлайды DKNews.kz.
Келісім ЕурАзЭҚ-тың техникалық регламенттері қолданылатын өнімге қатысты мүше мемлекеттердің үшінші елдермен өзара саудасындағы техникалық кедергілерді жою тәртібі мен шарттарын айқындайды.
Вице-премьер Серік Жұманғариннің айтуынша, келісімде үшінші елдермен де, интеграциялық бірлестіктермен де техникалық кедергілерді жоюға бағытталған нақты тетіктер мен шарттар көзделген. Ең алдымен, бұл міндетті талаптардың салыстырмалылығы, аккредиттеу және сәйкестікті бағалау рәсімдерінің баламалылығы.
«Келісім отандық өнімді ілгерілетуге бағытталған және өнімді сынау нәтижелерін өзара тану бойынша нақты елдермен тепе-тең негізде келісімдер жасауға мүмкіндік береді» Серік Жұманғарин
Келісімде бастапқыда қолданыстағы заңнаманың барлық талаптары ескерілгенін, осыған байланысты оны ратификациялау Қазақстан Республикасының заңдарына өзгерістер енгізуге әкеп соқпайтынын атап өтеміз.
Источник: dknews.kz
