172 Арман
Латвия Республикасының Ғылым Академиясында Қазақстан Елшісі Дәурен Кәріповтің Ғылым Академиясының Президенті Иварс Калвиншпен және Латвия ғылыми қоғамдастығының басқа да көрнекті өкілдерімен – Ғылым Академиясының Бас хатшысы Байба Ривжамен, Сенат басшысы Татьяна Кокьемен, Халықаралық хатшы Модрис Грейтанспен, Экономика институтының Директоры Нина Линдамен және Халықаралық департаментінің жетекшісі Ильзе Трапенциеремен кездесуі өтті, деп хабарлайды DKNews.kz.
Кездесу барысында тараптар 2023 жылғы қыркүйекте екі елдің Ғылым академиялары қол қойған ғылым саласындағы өзара түсіністік және ынтымақтастық туралы меморандум шеңберінде ғылым және инновациялар саласындағы өзара іс-қимылды одан әрі жандандыру мәселелерін талқылады. Сондай-ақ, кездесуде бірлескен ғылыми жобаларды іске асыруға, сондай-ақ ғалымдар мен ғылыми әзірлемелермен алмасуға ерекше назар аударылды.
Кездесу соңында тараптар екі елдің ғылыми топтары арасындағы өзара тиімді ынтымақтастықты жалғастыруға жоғары мүдделілігін растады.
Источник: dknews.kz
