231 rob
«Мәңгілік көктем» қаласында Шанхай ынтымақтастық ұйымының (ШЫҰ) 8-ші Халықаралық Куньмиң марафоны өтті, деп хабарлайды DKNews.kz.
Іс-шараны Юньнань өлкесінің Халық үкіметі мен Куньмиң қалалық әкімшілігі, сондай-ақ Юньнанның «Шаңхэ» мәдениет және спорт компаниясының көмегімен ұйымдастырылды.
Қазақстан Республикасының Қытай Халық Республикасындағы Елшісі Шахрат Нұрышев ШЫҰ-ға төрағалық ететін мемлекеттің өкілі ретінде марафонның ашылу салтанатына және оның жеңімпаздарын марапаттау рәсіміне қатысты. 8-ші Халықаралық Куньмиң марафонына 15 мыңға жуық адам қатысты.
ШЫҰ Халықаралық Куньмиң марафоны 2016 жылдан бері өткізіліп келеді. Оның айрықша ерекшелігі — бұл кәсіби спортшылармен қатар түрлі жастағы әуесқой жүгірушілердің, сондай-ақ мүмкіндігі шектеулі адамдардың қатысуға мүмкіндік беруі.
Осы жылдар ішінде Куньмиң марафоны әлемнің 54 елінен 100 мыңнан астам кәсіби жүгірушілер мен жүгіру әуесқойларын жинап, халықаралық деңгейдің көрсеткіші ретінде Қытай жеңіл атлетика федерациясының алтын лицензиясын және Халықаралық жеңіл атлетика федерациялары қауымдастығының күміс лицензиясын алуын атап өтуге болады.
Қазақстан Республикасы ШЫҰ-ға 2023 жылғы 5 шілдеден бастап бір жыл мерзімге төрағалық етеді.
Источник: dknews.kz
