173 Awrora
Фотосурет: Gov
Алматы қаласында «Сел қауіпсіздігі — Қазселденқорғау қызметіне 50 жыл: қазіргі ахуалы мен перспективалары» атты халықаралық ғылыми-практикалық конференция ашылды, деп хабарлайды DKNews.kz.
2023 жылғы 22 қарашада Алматы қаласында «Сел қауіпсіздігі — Қазселденқорғау қызметіне 50 жыл: қазіргі ахуалы мен перспективалары» атты халықаралық ғылыми-практикалық конференцияның ашылу рәсімі өтті.
Іс-шараға ҚР Төтенше жағдайлар вице-министрі Мереке Пішембаев, ТЖМ құрылымдық, аумақтық және ведомстволық бағынысты ұйымдарының қызметкерлері, қиыр және таяу 9 шет елдің ғылыми институттары мен халықаралық ұйымдарының өкілдері қатысты.
Іс-шараны аша отырып, Төтенше жағдайлар вице-министр Мереке Пішембаев қазіргі уақытта Қазақстанның биік таулы аймағында 970 мұздақ көл орналасқанын, оның 156-сы қауіпті екенін атап өтті. Сел құбылыстары адамдар мен қоршаған ортаға үлкен қауіп төндіреді.
«Біздің міндетіміз қауіп-қатерлерді азайтуға және қауымдастықтарымыздың қауіпсіздігін қамтамасыз етуге мүмкіндік беретін әдістер мен технологияларды әзірлеу және жетілдіру болып табылады. Бұл іс-шара бізге осы маңызды саладағы біліммен, тәжірибемен және соңғы ғылыми жетістіктермен бөлісуге бірегей мүмкіндік береді. Бұл конференцияда соңғы зерттеулерді ұсынып қана қоймай, сонымен қатар біз сияқты сел қауіпсіздігі саласында тиімді шешімдер жасауға ұмтылатын әріптестеріміздің жұмысы туралы білуге мүмкіндік бар» Мереке Пішембаев
Конференция Қазақстан үшін ғана емес, сонымен қатар таяу және қиыр шет елдер үшін де өзекті болып табылатын жойқын сел ағындарынан халықтың, инфрақұрылымдық және әлеуметтік-экономикалық объектілердің қауіпсіздігін қамтамасыз ету проблемаларына арналған. Аталған проблемаларды шешу Сендай қаласында (Жапония) өткен дүлей зілзалалар қаупін азайту жөніндегі үшінші дүниежүзілік конференцияда қабылданған дүлей зілзалалар қаупін азайту жөніндегі 2015-2030 жылдарға арналған іс-қимыл бағдарламасына сәйкес келеді.
Конференция шеңберінде сел қауіпсіздігін қамтамасыз ету, сел ағындарынан инженерлік қорғау, алдын алу селден қорғау жұмыстары және сел қауіптілігінің мониторингі, селдерді зерттеудің теориялық және ғылыми-әдістемелік негіздерін дамыту, сел тәуекелдерін болжау және бағалау, пилотсыз ұшу аппараттарын, жерүсті жүйелерін пайдалана отырып, қашықтықтан зондтау мен картографиялаудың қазіргі заманғы әдістері сандық рельефтің орналасу және 3D модельдері жөніндегі ТМД елдеріндегі мемлекеттік саясат мәселелері қаралатын болады. Конференцияның маңызды элементі Қазселденқорғаудың тиімді жарты ғасырлық қызметінің қорытындысын талқылау болмақ.
Іс-шара барысында Сел қауымдастығы ҚР ТЖМ «Қазселденқорғау» ММ жұмыс істеп жүрген қызметкерлері мен ардагерлеріне селтану саласындағы ерекше еңбегі үшін С.М. Флейшман атындағы медальдарды, сондай-ақ мемлекеттік және ведомстволық наградаларды табыс етті.
Конференция аясында 3 сессия өтеді: Мұздық көлдердің жарылу қаупін бағалау бойынша тәжірибе алмасу және олардың жарылу қаупін азайту бойынша практикалық іс-шаралар», «Табиғи төтенше жағдайларды ерте анықтау жүйесін жетілдіру және ақпараттық қолдау мен даму», «Селді болжау және селге қарсы іс-шаралар туралы мәселелер».
Сонымен қатар конференция аясында Алматы қаласының ірі селден қорғау құрылыстарына бару жоспарлануда.
Халықаралық ғылыми-практикалық конференция 24 қарашаға дейін өткізіледі.
Источник: dknews.kz
