654 Арман
Қазақстан Республикасының инвестициялық мүмкіндіктері бойынша соңғы 6 жылда алғаш рет Гонконг қаласында бизнес-форум өтті, деп хабарлайды DKNews.kz.
Форумға Гонконг Үкіметінің, жергілікті сауда-өнеркәсіп палаталарының өкілдері және сауда, қаржы, логистика, өнеркәсіп, азық-түлік өнімдерінің импорты және т.б. салаларда мамандандырылған компаниялар қатысты.
Іс-шара барысында «Kazakh Invest», Астана халықаралық қаржы орталығы, «QazTrade» және басқа да отандық ұйымдардың басшылығы сөз сөйлеп, қатысушыларды еліміздің бизнес климаты мен ҚР-дың инвестициялық мүмкіндіктерімен таныстырды.
Форум қорытындысы бойынша Қазақстан мен Гонконгтың бизнес қауымдастығы тығыз қарым-қатынастарды орнатуға және бірлескен жобаларды іске асыру мүмкіндігін қарастыруға келісті.
Источник: dknews.kz
