363 Арман
2022 жылғы 17 желтоқсанда Қазақстанның Беларусьтегі Елшілігінде Қазақстан-Беларусь дипломатиялық қатынастардың орнатылғанына 30 жыл толуына орайластырылған үстел теннисінен турнир ұйымдастырылды. Жарыс ер азаматтар мен жасөспірімдер арасында өтті, деп хабарлайды Деловой Қазақстан.
Турнирге қазақстандық дипломаттар мен олардың отбасы мүшелері, сондай-ақ Беларусьте тіркелген шетел Елшіліктерінің, оның ішінде Армения, Өзбекстан және Жапонияның өкілдері қатысты.
Қазақстан Елшілігінің кеңесшісі Асхат Мұқашев турнирді аша отырып, биылғы мерейтойлық жыл Қазақстан мен Беларусь үшін екіжақты қатынастардың барлық салаларында көптеген жарқын оқиғалармен атап өтілгенін және бүгінгі үстел теннисінен турнир қорытынды іс-шаралардың бірі болып табылатынын айтты. Қазақстандық дипломат барлық қатысушыларға сәттілік пен жеңістер тілеп, жарыстың басты мақсаты елдеріміздің халықтарының игілігі үшін шетелдік әріптестермен достық қарым-қатынас орнату және қолдау екенін атап өтті.
Источник: dknews.kz
