110 Арман
Ағымдағы жылдың 23 желтоқсанында сыбайлас жемқорлыққа қарсы іс-қимыл агенттігінің Қоғамдық кеңесінің отырысы өтті, деп хабарлайды Деловой Қазақстан.
Іс-шара барысында агенттіктің өткен жылғы жұмысының нәтижелері ұсынылды, сыбайлас жемқорлыққа қарсы саясат тұжырымдамасын іске асыру жөніндегі іс-қимыл жоспарының орындалу барысы, сондай-ақ сыбайлас жемқорлық құқық бұзушылық фактілері туралы хабарлаған және жемқорлыққа қарсы іс-қимылға өзге де жолмен жәрдемдесетін азаматтарды көтермелеу тетігі таныстырылды.
Қоғамдық кеңестің төрағасы Марат Башимов отырысқа қатысушыларды құттықтай отырып, Агенттік пен қоғамның синергиясы табысқа жетуге және барлық халықаралық талаптарға сай келетін сыбайлас жемқорлыққа қарсы мықты иммунитетті қалыптастыруға мүмкіндік беретінін атап өтті.
«Бір жыл ішінде Қоғамдық кеңестің отырыстарында біз тұжырымдаманы әзірлеуге белсенді қатысып, сыбайлас жемқорлыққа қарсы қызметтің заңнамалық бастамаларын, мемлекеттік аппаратты бюрократизациялау туралы Президент Жарлығын іске асырылуын, көліктік бақылау саласындағы жемқорлық тәуекелдеріне сыртқы талдау қорытындылары және сыбайлас жемқорлыққа қарсы іс-қимыл саласындағы басқа да маңызды мәселелер талқыладық. Қоғамдық кеңес мүшелері сыбайлас жемқорлыққа қарсы іс-қимыл мәселелері бойынша түрлі алаңдарда белсенділік танытып келеді. БҰҰ, ЭЫДҰ және ГРЕКО ұсынымдарын іске асыру шеңберінде халықаралық ұйымдармен бірқатар кездесулер өткізді. Сонымен қатар, мемлекеттік сатып алу саласына мониторинг жүргізіп, оның нәтижелері бойынша мемлекеттік органдар тиісті шаралар қабылдады» Марат Башимов
Өз кезегінде Агенттік Төрағасы О. Бектенов Қоғамдық кеңес мүшелеріне бірлескен жұмысы және сыбайлас жемқорлыққа қарсы саясатты ілгерілетуге қосқан үлесі үшін алғысын білдірді.
Баяндамаларды талқылау шеңберінде Қоғамдық кеңес мүшелері сыбайлас жемқорлық құқық бұзушылық фактілері және жемқорлыққа қарсы саясат тұжырымдамасын іске асыру туралы хабарлаған азаматтарды көтермелеу тетігі бойынша бірқатар ұсыныстар айтты.
Источник: dknews.kz
