963 Арман
Фотосурет: Gov
Қазақстан Республикасы Қаржы министрлігінің Мемлекеттік кірістер комитеті, Америка Құрама Штаттарының Орталық Азиядағы Халықаралық даму және сауда жөніндегі агенттігі бағдарламасының жәрдемдесуімен және қаржыландыруымен 2022 жылғы 24 қазаннан бастап 20 қараша аралығында Қазақстан Республикасы кеден органдарының парасаттылығы туралы әлеуметтік сауалнама жүргізді, деп хабарлайды DKNews.kz.
Мұндай сауалнама Орталық Азия өңірінде алғаш рет Дүниежүзілік кеден ұйымының (ДКҰ) әдіснамасы негізінде жүргізілді.
Сауалнама бүкіл республика бойынша сыртқы экономикалық қызметке (СЭҚ) қатысушыларға да, функцияларына кедендік әкімшілендіру кіретін мемлекеттік кірістер органдарының қызметкерлеріне де жүргізілді.
Кедендегі жұмыстың келесі 10 негізгі бағыты зерттелді:
|
1. Көшбасшылық және міндеттеме 2. Кеден заңнамасы 3. Ашықтық 4. Автоматтандыру 5. Реформа және жаңғыру |
6. Аудит және тергеу 7. Мінез-құлық кодексі 8. Адам ресурстарын басқару 9. Мораль және ұйымдастырушылық мәдениет 10. Жеке сектормен қарым-қатынас |
СЭҚ-қа қатысушылардың 622 сауалнамасы және мемлекеттік кірістер органдарының қызметкерлері бойынша 696 сауалнама жиналды. Бұл әдіснамалық талаптардың толық көлемде орындалуын және сауалнаманың статистикалық маңыздылығының қажетті деңгейіне, нақтырақ 95%-ға қол жеткізілді.
Алынған жауаптарға сәйкес, кеден қызметкерлері өздерінің парасаттылығын 10 мүмкін балдан 8,57 баллға бағалады, бұл ретте сұралғандардың 51% осы мәселе бойынша ең жоғары балл берді.
Жеке сектор тарапынан (СЭҚ-қа қатысушылар, тасымалдаушылар, кеден өкілдері, уақытша сақтау қоймаларының иелері және экспорттық-импорттық операциялармен айналысатын басқа да тұлғалар) кеден қызметкерлерінің парасаттылығын бағалау келесідей: орташа балл 10-нан 6,81 құрады, бұл ретте сұралғандардың 26,3% кеден қызметкерлеріне олардың парасаттылығын бағалай отырып, ең жоғары балл берді.
Сауалнаманың белгіленген мақсаттарына қол жеткізілді және Комитет кеден және жеке сектор қызметкерлерінің кедендегі парасаттылық мәселелеріне ішкі және сыртқы қатынасы туралы ДКҰ-ның халықаралық стандарттарына негізделген алғашқы деректерді алды.
Алынған деректер бұдан әрі кеден саласындағы қызмет бағыттарын терең талдау үшін парасаттылықтың бұзылу себептері мен жағдайларын болдырмау мақсатында «тәуекелдер» мен «олқылықтарды» анықтауға мүмкіндік берді. Олар болашақта жүргізілетін кейінгі өлшеулер үшін пайдаланылатын болады, бұл өзгерістерді салыстырмалы талдау мүмкіндігін қамтамасыз етуге мүмкіндік береді.
Мемлекеттік кірістер органдары сыбайлас жемқорлыққа қарсы мәдениетті арттыру және СЭҚ-қа қатысушыларымен кері байланыс алу жөнінде тұрақты негізде шаралар қабылдайды. Сауалнама нәтижелерімен толығырақ жалғанған материалдардан танысуға болады.
Әлеуметтік сауалнама Қаржыминінің, ҚР БҒМ, ҚР ДСМ және ҚР ИИДМ бірлескен бұйрығымен бекітілген кеден ісі, құрылыс, білім беру және денсаулық сақтау салаларында сыбайлас жемқорлыққа қарсы іс-қимыл жөніндегі кешенді жоспар шараларын іске асыру шеңберінде жүргізілді.
Комитет АҚШ-тың Орталық Азиядағы Халықаралық даму және сауда жөніндегі агенттігінің бағдарламасы мен «Fortune Partners» ЖШС компаниясына әлеуметтік сауалнаманы ұйымдастыруға және сапалы жүргізуге көмектескені үшін, сондай-ақ сауалнамаға қатысқан барлық СЭҚ-қа қатысушыларға алғыс білдіреді.
Источник: dknews.kz
