465 Арман
Қазақстанның Эфиопиядағы Елшісі, Африка Одағы жанындағы Тұрақты өкілі Барлыбай Садықов Африка одағының Ауыл шаруашылығы, ауылдық аймақтарды дамыту, көк экономика және тұрақты даму жөніндегі комиссары Джозефа Леонель Коррейя Саккомен кездесу өткізді, деп хабарлайды Деловой Қазақстан.
Әңгімелесу барысында тараптар тұрақты даму және жасыл экономика саласындағы ынтымақтастықтың перспективаларын талқылады. Тараптар Африка одағының орнықты даму және аштықты жою мақсаттарына қол жеткізу жөніндегі күш-жігері шеңберінде Азық-түлік қауіпсіздігі, ауыл шаруашылығы ғылымдарын дамыту саласындағы ынтымақтастыққа ерекше назар аударды.
Атап айтқанда, Қазақстанның азық-түлік қауіпсіздігі жөніндегі Ислам ұйымындағы (АҚИҰ) рөлі, сондай-ақ ағымдағы жылы оның шеңберінде Азық-түлік қауіпсіздігі жөніндегі африкалық бастаманы (АҚАБ) және АҚИҰ-дағы Африка жылын іске асырудағы жетістіктері атап өтілді.
Қазақстан Елшісі Мемлекет басшысының ү.ж. қыркүйекте Нью-Йорк қаласында өткен Азық-түлік қауіпсіздігі жөніндегі жаһандық саммиттегі мәлімдемесіне сілтеме жасай отырып, Қазақстан азық-түліктің жаһандық тапшылығымен күресу үшін өзінің ауыл шаруашылығы әлеуетін пайдалануды жалғастыру және астық пен басқа да негізгі азық-түлік түрлерін, оның ішінде аштықпен күресу үшін сенімді жеткізуші ретінде әрекет ету бойынша ниетін атап өтті. Осы тұрғыда, Елші Африка одағының комиссиясына аталмыш бағытта АҚИҰ-мен бірлесіп жұмыс істеу туралы ұсыныс жасады.
Сонымен қатар, климаттың өзгеруі мен азық-түлік жүйелерінің құрылымдық әлсіздігіне қатысты мәселелер талқыланды. Тараптар Қазақстанның халықаралық транзиттік торап ретінде жаһандық тұрақты жеткізу тізбегін құруға қабілетті екенін атап өтті.
Қазақстанды Африканың теңіз порттарымен байланыстыратын транзиттік-көлік бағыттарын дамытуға көбірек көңіл бөлу қажеттігі туралы айтылды. Тараптар Қазақстанның транзиттік-көліктік әлеуетіне, оның ішінде Транскаспий халықаралық көлік бағыты шеңберіндегі мүмкіндіктеріне ерекше назар аударды.
Жалпы, Африка одағының комиссары аталған бағыттардағы жобаларды бірлесіп іске асыруға қызығушылық танытып, оларды егжей-тегжейлі зерттеуді ұсынды.
Источник: dknews.kz
